പ്രശസ്ത വയലിനിസ്റ്റും സംഗീത സംവിധായകനുമായ ബാലഭാസ്കറും കുടുംബവും സഞ്ചരിച്ചിരുന്ന കാർ അപകടത്തിൽപ്പെട്ടു. തിരുവനന്തപുരം പള്ളിപ്പുറത്തു വച്ച് പുലർച്ചെ 4.30 ഓടെ നിയന്ത്രണം വിട്ട കാർ മരത്തിലിടക്കുകയായിരുന്നു. ഡ്രൈവർ ഉറങ്ങിപ്പോയതാണ് അപകടകാരണമെന്നാണു സൂചന.
അപകടത്തിൽ ബാലഭാസ്ക്കറിന്റെ മകൾ തേജസ്വിനി ബാല(രണ്ട് വയസ്) മരിച്ചു. ഭാര്യ ലക്ഷ്മിയേയും ഡ്രൈവര് അര്ജുനെയും ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. തിരുവനന്തപുരത്തെ സ്വകാര്യ ആശുപത്രിയിൽ തീവ്രപരിചരണവിഭാഗത്തിലാണ് ഇവർ.
തൃശ്ശൂർ വടക്കുംനാഥ ക്ഷേത്രദർശനത്തിന് ശേഷം മടങ്ങവേയാണ് അപകടമുണ്ടായത്. ബാലഭാസ്കർ, മകൾ, ഡ്രൈവർ എന്നിവരാണ് കാറിലുണ്ടായിരുന്നത്. അപകടത്തിൽ കാർ പൂർണമായും തകർന്നു.