ഇതൊന്നു കഴിച്ചു നോക്കൂ ..മനം മയക്കും പൈനാപ്പിൾ മെറാങ് പൈ

ആവശ്യമായ ചേരുവകൾ 

1. മുട്ട മഞ്ഞ – മൂന്ന്

2. പഞ്ചസാര – ഒരു കപ്പ്

3. പാൽ – രണ്ടു കപ്പ്

4. വെണ്ണ – അരക്കപ്പ്

    കോൺഫ്ളോർ – രണ്ടു വലിയ സ്പൂൺ

5. നാരങ്ങാനീര് – എട്ടു ചെറിയ സ്പൂൺ

    പൈനാപ്പിൾ കഷണങ്ങളാക്കിയത് – മൂന്നു കപ്പ് (ടിന്നിൽ കിട്ടുന്നതോ പൈനാപ്പിൾ വേവിച്ചതോ ഉപയോഗിക്കാം)    

    ക്രീം – നാലു ചെറിയ സ്പൂൺ

6. മുട്ടവെള്ള – മൂന്ന്

    പഞ്ചസാര – നാലു ചെറിയ സ്പൂൺ

പാകം ചെയ്യുന്ന വിധം

∙  ഒരു ബൗളിൽ മുട്ടമഞ്ഞയും പഞ്ചസാരയുടെ പകുതിയും നന്നായി അടിച്ചു യോജിപ്പിക്കുക. ഇതിലേക്കു പാൽ ചേർത്തു യോജിപ്പിക്കുക.

∙  വെണ്ണയും കോൺഫ്ളോറും യോജിപ്പിച്ച് അടുപ്പത്തു വച്ചിളക്കുക. ഇതിലേക്കു പാൽ മിശ്രിതം ചേർത്തു ബാക്കി പഞ്ചസാരയും ചേർത്തു നന്നായി കുറുക്കുക.

∙  ഇതിലേക്ക് അഞ്ചാമത്തെ ചേരുവ ചേർത്തു യോജിപ്പിച്ച് ഒരു പൈറക്സ് ഡിഷിലേക്ക് ഒഴിക്കുക.

∙  മുട്ടവെള്ള അൽപാൽപം പഞ്ചസാര ചേർത്തടിച്ചു കട്ടിയാകുമ്പോൾ പുഡിങ് മിശ്രിതത്തിനു മുകളിൽ ഒഴിക്കുക.

∙  ഇത് ഗോൾഡൻ ബ്രൗൺ നിറമാകും വരെ ബേക്ക് ചെയ്യുക. ചൂടാറിയ ശേഷം ഫ്രിഡ്ജിൽ വച്ചു തണുപ്പിച്ചു വിളമ്പാം.

  Molly Varkey, Kottayam