കിക്ക്‌ നല്കും വിസ്കി കപ്പ്കേക്ക് ഇത്ര ഈസിയായിരുന്നോ

ആവശ്യമായ ചേരുവകൾ 

1. മൈദ – അരക്കപ്പ്

 ബേക്കിങ് പൗഡർ – ഒരു ചെറിയ സ്പൂൺ

 ഉപ്പ് – കാൽ ചെറിയ സ്പൂൺ

2. മുട്ട – ഒന്ന്

3. പഞ്ചസാര – അരക്കപ്പ്

 വനില എസ്സൻസ് – അര ചെറിയ സ്പൂൺ

4. പാൽ – കാല്‍ കപ്പ്

 വെണ്ണ – ഒരു വലിയ സ്പൂൺ, ഉരുക്കിയത്

5. വിസ്കി – രണ്ടു വലിയ സ്പൂണ്‍ 

ഫ്രോസ്റ്റിങ്ങിന്

6. വിപ്പിങ് ക്രീം – ഒരു കപ്പ്

7. വനില എസ്സൻസ് – ഒരു ചെറിയ സ്പൂൺ

 വിസ്കി – രണ്ട്–മൂന്ന് ചെറിയ സ്പൂൺ

8. കറുവാപ്പട്ട പൊടിച്ചത് – അല്‍പം 

പാകം ചെയ്യുന്ന വിധം

∙ അവ്ൻ 180 ഡിഗ്രി സെൽഷ്യസിൽ ചൂടാക്കിയിടുക.

∙ കപ്പ്കേക്ക് പാനുകളിൽ‌ കപ്പ്കേക്ക് ലൈനറുകള്‍ ഇട്ടു വയ്ക്കുക.

∙ ഒന്നാമത്തെ ചേരുവ യോജിപ്പിച്ച് ഇടഞ്ഞു വയ്ക്കുക.

∙ ഒരു വലിയ ബൗളിൽ മുട്ട നന്നായി അടിച്ചു മയപ്പെടുത്തിയ ശേഷം ഇതിലേക്കു പഞ്ചസാരയും വനില എസ്സന്‍സ് ചേർത്ത് അടിക്കുക. അതിലേക്കു പാലും വെണ്ണ ഉരുക്കിയതും ചേർത്തടിക്കണം.

∙ ഇതിൽ മൈദ മിശ്രിതവും ചേർത്തു മെല്ലേ യോജിപ്പിച്ച ശേഷം വിസ്കിയും ചേർത്തു യോജിപ്പിക്കുക.

∙ തയാറാക്കിയ കപ്പ്കേക്ക് മോൾഡുകളിൽ ഒഴിച്ചു ചൂടാക്കിയിട്ടിരിക്കുന്ന അവ്നിൽ വച്ച് 15-20 മിനിറ്റ് ബേക്ക് ചെയ്യുക.

∙ ഫ്രോസ്റ്റിങ് തയാറാക്കാൻ ക്രീം നന്നായി അടിച്ചു മയപ്പെടുത്തിയ ശേഷം വനില എസ്സൻസും വിസ്കിയും ചേർത്ത് അടിക്കണം. ഇതു പൈപ്പിങ് ബാഗിലാക്കി കപ്പ്കേക്കിനു മുകളില്‍ ഫ്രോസ്റ്റ് ചെയ്യുക.

∙ ഏറ്റവും മുകളിൽ അൽപം കറുവാപ്പട്ട പൊടിച്ചതു വിതറുക.

∙ ഏകദേശം ആറ് കപ്പ്കേക്ക് ലഭിക്കും.