ഇരുമ്പൻപുളി കൊണ്ട് തയ്യാറാക്കാം അടിപൊളി ബിലുമ്പി സ്പൈസി വൈന്‍

ആവശ്യമായ ചേരുവകൾ 

1. ഇരുമ്പന്‍പുളി – ഒരു കിലോ

2. പഞ്ചസാര – ഒരു കിലോ

 യീസ്റ്റ് – രണ്ടു ചെറിയ സ്പൂണ്‍

 തിളപ്പിച്ചാറിയ വെള്ളം – രണ്ടേകാല്‍ ലീറ്റര്‍

3. കാന്താരി – 15 ഗ്രാം, ചതച്ച്  അരക്കപ്പ് വെള്ളത്തില്‍  തിളപ്പിച്ചത്

പാകം ചെയ്യുന്ന വിധം

∙ ഇരുമ്പന്‍പുളി കഴുകി വെള്ളം കളഞ്ഞ് ഓരോന്നും മൂന്നു കഷണങ്ങളാക്കി വയ്ക്കുക.

∙ ഇരുമ്പന്‍പുളിയും രണ്ടാമത്തെ ചേരുവയും ഭരണിയിലാക്കി നന്നായി ഇളക്കുക. ചൂടാറിയ കാന്താരിവെള്ളവും ചേര്‍ത്ത് അധികം മുറുക്കാതെ കെട്ടി വയ്ക്കണം.

∙ പത്തു ദിവസം ഒന്നിടവിട്ട ദിവസങ്ങളില്‍ നന്നായി  ഇളക്കി വയ്ക്കുക.

∙ പിന്നീട് 11 ദിവസം അടച്ചു മൂടിക്കെട്ടി വയ്ക്കുക. 21ആം  ദിവസം അരിച്ചെടുക്കാം.

∙ ആവശ്യമെങ്കില്‍ കൂടുതല്‍ മധുരം ചേര്‍ക്കാം.