ഇനി പാർട്ടിക്ക് ഒരുക്കാം കോഫി കപ്പ് വിത് ബട്ടർക്രീം ഫ്രോസ്റ്റിങ്

ആവശ്യമായ ചേരുവകൾ 

1. ചൂടുപാല്‍ – അഞ്ചു വലിയ സ്പൂൺ

 ഇൻസ്റ്റന്റ് കാപ്പിപ്പൊടി  – മൂന്നു ചെറിയ സ്പൂൺ

2. മൈദ – ഒരു കപ്പ്

 ബേക്കിങ് പൗഡർ – ഒരു ചെറിയ സ്പൂൺ

 ഉപ്പ് – ഒരു നുള്ള്

3. പഞ്ചസാര പൊടിച്ചത് – മുക്കാല്‍ കപ്പ്

 വെണ്ണ – 50 ഗ്രാം

4. മുട്ട – രണ്ട്

5. വനില എസ്സൻസ് – അര ചെറിയ സ്പൂൺ

ബട്ടർക്രീം ഫ്രോസ്റ്റിങ്ങിന്

6. ഉപ്പില്ലാത്ത വെണ്ണ – 50 ഗ്രാം

7. ഐസിങ് ഷുഗർ – 120 ഗ്രാം

പാകം ചെയ്യുന്ന വിധം

∙ അവ്ൻ 160 ഡിഗ്രി സെൽഷ്യസിൽ ചൂടാക്കിയിടുക.

∙ കപ്പ്കേക്ക് മോള്‍ഡുകളില്‍ ലൈനറുകൾ ഇട്ടു തയാറാക്കി വയ്ക്കണം.

∙ ചൂടുപാലിൽ കാപ്പിപ്പൊടി ചേര്‍ത്തു നന്നായി കലക്കി വയ്ക്കണം.

∙ രണ്ടാമത്തെ ചേരുവ ഇടഞ്ഞു വയ്ക്കണം.

∙ ഒരു ബൗളിൽ പഞ്ചസാരയും വെണ്ണയും യോജിപ്പിച്ചു നന്നായി അടിച്ചു മയപ്പെത്തുക.

∙ അതിലേക്കു മുട്ട ഓരോന്നായി ചേർത്ത് അടിച്ച ശേഷം വനില എസ്സൻസും ചേർത്ത് അടിക്കണം.

∙ ഇതിലേക്കു കാപ്പി കലക്കിയതും മൈദ മിശ്രിതവും ഇടവിട്ട് മെല്ലേ ചേർത്തു യോജിപ്പിക്കുക. അര ചെറിയ സ്പൂൺ കാപ്പി കലക്കിയത് ഐസിങ്ങിൽ ചേർക്കാൻ മാറ്റി വയ്ക്കണം.

∙ ഇതു തയാറാക്കിയ കപ്പ്കേക്ക് മോൾഡുകളിൽ ഒഴിച്ചു ചൂടാക്കിയിട്ടിരിക്കുന്ന അവ്നിൽ വച്ച് 15-20 മിനിറ്റ് ബേക്ക് ചെയ്യുക.

∙ അവ്നിൽ നിന്നെടുത്തു ചൂടാറാൻ വയ്ക്കുക.

∙ ഫ്രോസ്റ്റിങ് തയാറാക്കാൻ വെണ്ണ നന്നായി അടിച്ച ശേഷം അതിലേക്ക് ഐസിങ് ഷുഗർ അൽപാൽപം വീതം ഇടഞ്ഞു ചേർക്കണം. ഓരോ തവണയും ചേർത്ത ശേഷം നന്നായി അടിച്ചു യോജിപ്പിക്കുക. 

∙ ഇതിലേക്കു കാപ്പി കലക്കിയതും ചേർത്തു നന്നായി അടിച്ച ശേഷം പൈപ്പിങ് ബാഗിലാക്കി കപ്പ്കേക്കിനു മുകളിലേക്കു പൈപ്പ് ചെയ്യാം.