ഈസ്റ്റർ രുചികരമാക്കാൻ കസ്റ്റർഡ് ബ്രെഡ് പുഡ്ഡിംഗ്

പാലും കസ്റ്റാർഡ് പൗഡറും ചേർത്ത് തയ്യാറാക്കിയ ക്രീമി ലെയറിന് മുകളിൽ ക്രിസ്പിയായ ബ്രെഡ് കഷ്ണങ്ങൾ നിരത്തി, ഡ്രൈ ഫ്രൂട്ട്സ് കൊണ്ട് അലങ്കരിച്ച ഒരു തകർപ്പൻ വിഭവം. തണുപ്പിച്ചു കഴിക്കുമ്പോൾ ഇതിന്റെ രുചി ഇരട്ടിയാണ്

ആവശ്യമായ ചേരുവകൾ 
ഫുൾ ഫാറ്റ് പാൽ - 3 കപ്പ്
വാനില കസ്റ്റർഡ് പൗഡർ- 3 ടേബിൾസ്പൂൺ 
കണ്ടൻസ്ഡ് മിൽക്ക് - 4–5 ടേബിൾസ്പൂൺ 
ബ്രെഡ് സ്ലൈസ് - 6–8 എണ്ണം 
ഫ്രഷ് ക്രീം - 3–4 ടേബിൾസ്പൂൺ 
കശുവണ്ടി- 2 ടേബിൾസ്പൂൺ (ചെറുതായി അരിഞ്ഞത്)
ചെറുതായി അരിഞ്ഞ ബദാം - 2 ടേബിൾസ്പൂൺ 
ഉണങ്ങിയ റോസ് ഇതൾ

തയ്യാറാക്കുന്ന വിധം 
• ആദ്യം 3 കപ്പ് പാൽ അടുപ്പിൽ വെച്ച് തിളപ്പിക്കുക .
• കുറച്ച് തണുത്ത പാലിൽ കസ്റ്റർഡ് പൗഡർ ചേർത്ത് കട്ടകളില്ലാതെ കലക്കി വെക്കണം.
• പാൽ തിളയ്ക്കുമ്പോൾ അതിലേക്ക് ഈ കസ്റ്റാർഡ് മിശ്രിതം ചേർത്ത് നന്നായി ഇളക്കണം.
• പിന്നെ കണ്ടൻസ്ഡ് മിൽക്ക് ചേർത്ത് അല്പം കട്ടിയാകുന്നത് വരെ ഇളക്കുക .
• ബ്രെഡ് സ്ലൈസുകൾ ഒരു ഡിഷിൽ ഒതുക്കി നിരത്തണം.
• ചൂടുള്ള കസ്റ്റർഡ് പാൽ അതിന്റെ മുകളിൽ എല്ലായിടത്തും ഒഴിച്ച് 5–10 മിനിറ്റ് വെക്കണം.
• ഫ്രെഷ് ക്രീമും കണ്ടൻസ്ഡ് മിൽക്കും ചേർത്ത് കലക്കി, മുകളിൽ സാവധാനമായി ഒഴിക്കുക.
• ഒടുവിൽ കശുവണ്ടി, ബദാം, റോസ് ഇതൾ വിതറി അലങ്കരിക്കുക.
• ഫ്രിഡ്ജിൽ 1–2 മണിക്കൂർ വെച്ചാൽ നന്നായി സെറ്റ് ആയിട്ട് കിട്ടും.