ഈ സമ്മറിലെ ഏറ്റവും മികച്ച റിഫ്രഷ്മെന്റ്, പൈനാപ്പിൾ-ബേസിൽ മാജിക്

വേനൽച്ചൂടിനെ തണുപ്പിക്കാൻ ഇതാ ഒരു കിടിലൻ പൈനാപ്പിൾ ബേസിൽ കൂളർ! പഴുത്ത പൈനാപ്പിളിന്റെ മധുരവും, ബേസിൽ ഇലകളുടെ പ്രത്യേക ഗന്ധവും ഒത്തുചേർന്ന ഈ പാനീയം നിങ്ങളുടെ മനസ്സിനും ശരീരത്തിനും ഉന്മേഷം നൽകും.

ആവശ്യമായ ചേരുവകൾ 
പൈനാപ്പിൾ ജ്യൂസ് – 90 മില്ലി
ബേസിൽ ലീവ്സ് – ആറ്
നാരങ്ങാനീര് – 15 മില്ലി
പഞ്ചസാര സിറപ്പ് – 10 മില്ലി
2. ഐസ് – പാകത്തിന്
3. വെള്ളം /സോഡ – പാകത്തിന്
4. പൈനാപ്പിൾ/ ബേസിൽ ലീവ്സ്  – അലങ്കരിക്കാൻ

പാകം ചെയ്യുന്ന വിധം
∙ ഒന്നാമത്തെ ചേരുവ ഐസ് ചേർത്ത് ഒരു ഷെയ്ക്കറിലാക്കി നന്നായി കുലുക്കി യോജിപ്പിക്കണം.
∙ വിളമ്പാനുള്ള ഗ്ലാസിൽ ഐസ് നിറച്ച്, അതിലേക്ക് ഈ സിറപ്പ് അരിച്ചൊഴിക്കണം.
∙ വെള്ളമോ സോഡയോ ഒഴിച്ച് പൈനാപ്പിളോ ബേസിൽ ലീഫോ വെച്ചു വിളമ്പാം.