ഇത്തവണ ഈസ്റ്ററിന് ഒരുക്കാം സ്പെഷ്യൽ കാരമൽ പുഡ്ഡിംഗ്

മധുരം ഇഷ്ടപ്പെടുന്നവർക്ക് തീർച്ചയായും ഇഷ്ടമാകുന്ന ഒരു നാടൻ സ്റ്റൈൽ കാരമൽ പുഡ്ഡിംഗ്. വെറും മൂന്ന് ചേരുവകൾ കൊണ്ട് ഓവനില്ലാതെ ആവിയിൽ വേവിച്ചെടുക്കാം.

ആവശ്യമായ ചേരുവകൾ
പാൽ- 1 കപ്പ്
മുട്ട - 2 എണ്ണം
പഞ്ചസാര- 7 ടേബിൾസ്പൂൺ 
വാനില എസ്സൻസ് - 1 ടീസ്പൂൺ 

തയ്യാറാക്കുന്ന വിധം
. ഒരു പാനിൽ 3 ടേബിൾസ്പൂൺ പഞ്ചസാരയും 2 ടേബിൾസ്പൂൺ വെള്ളവും ചേർത്ത് ഇടത്തരം തീയിൽ ചൂടാക്കുക. ഇളക്കാതെ തന്നെ പഞ്ചസാര ഉരുകി ഗോൾഡൻ ബ്രൗൺ നിറമാകുന്നത് വരെ കാത്തിരിക്കുക. കരിഞ്ഞു പോകാതെ ശ്രദ്ധിക്കണം. ഇത് ഉടൻ തന്നെ പുഡിംഗ് ഉണ്ടാക്കുന്ന പാത്രത്തിലേക്ക് ഒഴിച്ച് എല്ലാ വശങ്ങളിലേക്കും പടർത്തുക.
. ഒരു പാത്രത്തിൽ 2 മുട്ടയും 4 ടേബിൾസ്പൂൺ പഞ്ചസാരയും വാനില എസ്സൻസും ചേർത്ത് നന്നായി അടിച്ചെടുക്കുക. ഇതിലേക്ക് പാൽ ഒഴിച്ച് സാവധാനം ഇളക്കി യോജിപ്പിക്കുക. 
. മിശ്രിതം കൂടുതൽ മൃദുവാകാൻ ഒരു അരിക്കപ്പയിലൂടെ അരിച്ചെടുക്കുന്നത് നല്ലതാണ്. 
. തയ്യാറാക്കി വെച്ചിരിക്കുന്ന കാരമൽ പാത്രത്തിലേക്ക് ഈ മിശ്രിതം ഒഴിക്കുക. പാത്രം ഒരു അലുമിനിയം ഫോയിൽ ഉപയോഗിച്ചോ പ്ലേറ്റ് ഉപയോഗിച്ചോ മൂടുക. 
. ഒരു സ്റ്റീമറിലോ കുക്കറിലോ വെള്ളം ഒഴിച്ച് അതിൽ ഒരു സ്റ്റാൻഡ് വെച്ച് ഈ പാത്രം ഇറക്കിവെക്കുക. 
. മിതമായ തീയിൽ 25-30 മിനിറ്റ് ആവിയിൽ വേവിക്കുക. 
. പുഡിംഗ് വെന്തുകഴിഞ്ഞാൽ പുറത്തെടുത്ത് തണുപ്പിക്കുക. ശേഷം ഏകദേശം 2-3 മണിക്കൂർ ഫ്രിഡ്ജിൽ വെച്ച് തണുപ്പിച്ചാൽ ഇത് നന്നായി സെറ്റ് ആയി കിട്ടും. 
. വിളമ്പുന്നതിന് മുൻപ് ഒരു കത്തി ഉപയോഗിച്ച് വശങ്ങൾ വിടുവിച്ച് മറ്റൊരു പ്ലേറ്റിലേക്ക് കമഴ്ത്തി ഇടുക.