വിഷു സദ്യയ്ക്ക് മാറ്റ് കൂട്ടാൻ ഹെൽത്തി ബീറ്റ്‌റൂട്ട് –കാരറ്റ് പായസം

എപ്പോഴും കഴിക്കുന്ന പായസങ്ങളിൽ നിന്നും വ്യത്യസ്തമായി, ബീറ്റ്‌റൂട്ടും കാരറ്റും ചേർത്ത് ആരോഗ്യകരമായ രീതിയിൽ തയ്യാറാക്കാം. അല്പം നെയ്യിൽ മൂപ്പിച്ച അണ്ടിപ്പരിപ്പും മുന്തിരിയും കൂടെയാകുമ്പോൾ രുചി ഇരട്ടിയാകും

ആവശ്യമായ ചേരുവകൾ 
1. നെയ്യ് – രണ്ടു വലിയ സ്പൂൺ
2. ബീറ്റ്‌റൂട്ട് – 250 ഗ്രാം, ഗ്രേറ്റ് ചെയ്തത് 
 കാരറ്റ് – 250 ഗ്രാം
3. പാൽ – ഒന്നര ലീറ്റർ 
പഞ്ചസാര – അരക്കിലോ
4. ഏലയ്ക്കാപ്പൊടി – ഒരു ചെറിയ സ്പൂൺ 
കശുവണ്ടിപ്പരിപ്പും കിസ്മിസും – 10 വീതം, നെയ്യിൽ വറുത്തത്

പാകം ചെയ്യുന്ന വിധം
∙ ഉരുളിയിൽ നെയ്യ് ചൂടാക്കി കാരറ്റും ബീറ്റ്‌റൂട്ടും ചേർത്തു നന്നായി വഴറ്റുക.
∙ ഇതിലേക്ക് പാലും പഞ്ചസാരയും ചേർത്ത് നന്നായി കുറുക്കി വാങ്ങണം.
∙ ഇതിൽ നാലാമത്തെ ചേരുവ ചേർത്തിളക്കി വിളമ്പാം.