നാവിൽ അലിഞ്ഞുചേരുന്ന മൃദുവായ കേക്കും, അതിനൊപ്പം ക്രീം ചീസ് ഫ്രോസ്റ്റിങ്ങിന്റെ നേർത്ത പുളിപ്പും ചേരുന്ന റെഡ് വെൽവെറ്റ് പേസ്ട്രി. ആഘോഷങ്ങൾക്ക് മാറ്റുകൂട്ടാൻ ഇതിലും മികച്ചൊരു ചോയ്സ് വേറെയില്ല
ആവശ്യമായ ചേരുവകൾ
1. മൈദ – 120 ഗ്രാം
കൊക്കോ പൗഡർ – 10 ഗ്രാം
ബേക്കിങ് പൗഡർ – അഞ്ചു ഗ്രാം
ഉപ്പ് – മൂന്നു ഗ്രാം
2. വെണ്ണ – 60 ഗ്രാം
പഞ്ചസാര– 150 ഗ്രാം
3. മുട്ട– 100 ഗ്രാം
4. വനില എസ്സൻസ് – അഞ്ചു ഗ്രാം
റെഡ് ഫുഡ് കളർ - ഒരു ഗ്രാം
5. തൈര് – 120 ഗ്രാം
വിനാഗിരി - അഞ്ചു ഗ്രാം
6. ക്രീം ചീസ് – 200 ഗ്രാം
വെണ്ണ - 60 ഗ്രാം
ഐസിങ് ഷുഗർ– 100 ഗ്രാം
പാകം ചെയ്യുന്ന വിധം
∙ അവ്ൻ 170 ഡിഗ്രി സെൽഷ്യസിൽ ചൂടാക്കിയിടുക.
∙ രണ്ടാമത്തെ ചേരുവ മറ്റൊരു ബൗളിലാക്കി നന്നായി
അടിച്ചു യോജിപ്പിക്കുക.
∙ മുട്ടയും ചേര്ത്തടിച്ച് നല്ല മയം വരുമ്പോൾ നാലാമത്തെ ചേരുവയും ചേർത്തടിക്കണം.
∙ ഇതിലേക്കു മൈദ മിശ്രിതവും തൈരും ഇടവിട്ടു ചേർത്തു മെല്ലേ യോജിപ്പിക്കുക.
∙ ബേക്കിങ് ട്രേയിൽ ഒഴിച്ച് ചൂടാക്കിയിട്ടിരിക്കുന്ന അവ്നിൽ വച്ച് 30 മിനിറ്റ് ബേക്ക് ചെയ്യുക.
∙ അവ്നിൽ നിന്നെടുത്തു ചൂടാറിയ ശേഷം ആറാമത്തെ ചേരുവ അടിച്ചു യോജിപ്പിച്ചതുകൊണ്ട് ഫ്രോസ്റ്റിങ് ചെയ്തു വിളമ്പാം.