പുതിയ സ്ട്രോബെറികൾ, നാരങ്ങ, അല്പം പുതിനയില എന്നിവയുടെ ആകർഷകമായ മിശ്രിതം. ഏത് ദിവസത്തിനും അനുയോജ്യമായ ഉന്മേഷദായകവുമായ പാനീയമാണ് സ്ട്രോബെറി പഞ്ച്.
ആവശ്യമായ ചേരുവകൾ
ഫ്രഷ് സ്ട്രോബെറി (അരിഞ്ഞത്) - 1 കപ്പ്
പഞ്ചസാര - 4 വലിയ സ്പൂൺ
നാരങ്ങാനീര് - 2 വലിയ സ്പൂൺ
വെള്ളം/സോഡ - 2 കപ്പ്
പുതിനയില - 6 എണ്ണം
ഐസ് കട്ടകൾ - ആവശ്യത്തിന്
തയ്യാറാക്കുന്ന വിധം
. ഒരു ചെറിയ പാത്രത്തിൽ പഞ്ചസാരയും അര കപ്പ് വെള്ളവും ചേർത്ത് തിളപ്പിച്ച് പഞ്ചസാര പൂർണ്ണമായി അലിയുന്നതുവരെ ഇളക്കുക. ശേഷം ഇത് തണുക്കാൻ വെക്കുക.
. അരിഞ്ഞുവെച്ച സ്ട്രോബെറിയും ബാക്കി വെള്ളവും ചേർത്ത് മിക്സിയിൽ നന്നായി അരച്ചെടുക്കുക.
. അരച്ചെടുത്ത സ്ട്രോബെറി മിശ്രിതം ഒരു അരിപ്പയിലൂടെ അരിച്ച് മാറ്റുക.
. ഒരു വലിയ ഗ്ലാസ് ബൗളിൽ സ്ട്രോബെറി ജ്യൂസ്, തയ്യാറാക്കിവെച്ച പഞ്ചസാര സിറപ്പ്, നാരങ്ങാനീര് എന്നിവ നന്നായി യോജിപ്പിക്കുക.
. ഇതിലേക്ക് പുതിനയിലയും ഐസ് കട്ടകളും ചേർക്കാം.
. ആവശ്യമെങ്കിൽ കൂടുതൽ സോഡയോ വെള്ളമോ ചേർത്ത് മധുരം ക്രമീകരിക്കാവുന്നതാണ്.