വീക്കെൻഡുകൾ സ്പെഷ്യൽ ആക്കാൻ ഏറ്റവും അനുയോജ്യമായ ഒരു കിടിലൻ പുഡ്ഡിംഗ്. പുറത്തുനിന്നും വാങ്ങുന്നതുപോലെ വളരെ ക്രീമിയായ സ്ട്രോബെറി പനാകോട്ട വളരെ കുറഞ്ഞ ചേരുവകൾ ഉപയോഗിച്ച് വീട്ടിൽ തന്നെ എളുപ്പത്തിൽ തയ്യാറാക്കാം
ആവശ്യമായ ചേരുവകൾ
1. ജെലറ്റിൻ – അര ചെറിയ സ്പൂൺ
തണുത്ത വെള്ളം – രണ്ടു വലിയ സ്പൂൺ
2. സ്ട്രോബെറി – 15, കഷണങ്ങളാക്കിയത്
പഞ്ചസാര – കാൽ കപ്പ്
3. പാൽ – കാൽ കപ്പ്
ക്രീം – കാൽ കപ്പ്
പഞ്ചസാര – ഒരു വലിയ സ്പൂൺ
4. വനില എസ്സൻസ് – അര ചെറിയ സ്പൂൺ
പാകം ചെയ്യുന്ന വിധം
∙ ജെലറ്റിൻ ഒരു ബൗളിലാക്കി വെള്ളമൊഴിച്ച് അഞ്ചു മിനിറ്റ് വയ്ക്കുക.
∙ സ്ട്രോബെറി പഞ്ചസാര ചേർത്തടിച്ചു മയപ്പെടുത്തി വയ്ക്കണം.
. ഇതിൽ നിന്നു കാൽ ഭാഗം അലങ്കരിക്കാനായി മാറ്റി വയ്ക്കുക.∙
. മൂന്നാമത്തെ ചേരുവ ഒരു സോസ്പാനിലാക്കി അടുപ്പത്തു വച്ചു ചൂടാക്കുക.
. ചെറുതീയിലാക്കി ഇതിലേക്കു ജെലറ്റിനും ചേർത്തു തുടരെയിളക്കി, ജെലറ്റിൻ അലിയുമ്പോൾ വാങ്ങി ചൂടാറാനായി 10 മിനിറ്റ് വയ്ക്കണം.
∙ ഇതിലേക്കു വനില എസ്സൻസും സ്ട്രോബെറി അരച്ചതും ചേർത്തിളക്കി യോജിപ്പിക്കുക.
∙ സെറ്റ് ചെയ്യാനുള്ള മോൾഡുകളിലാക്കി ഒരു രാത്രി മുഴുവൻ ഫ്രിഡ്ജിൽ വയ്ക്കുക.
∙ വിളമ്പാൻ നേരം മോൾഡ് പുറത്തെടുത്തു ചൂടുവെള്ളത്തിൽ മുക്കി മുകളിൽ മാറ്റി വച്ച സോസ് ഒഴിക്കുക.
∙ സ്ട്രോബെറി കൊണ്ട് അലങ്കരിച്ചു വിളമ്പാം.