അവൽ അപ്പം
പച്ചരി – ഒരു കപ്പ്
2.അവൽ (കട്ടിയുള്ള വെള്ള അവൽ) – അരക്കപ്പ്
3.തേങ്ങാവെള്ളം – അരക്കപ്പ്
4.കട്ടിത്തേങ്ങാപ്പാൽ – ഒരു കപ്പ്
ഉപ്പ് – അര ചെറിയ സ്പൂൺ
പഞ്ചസാര – അഞ്ചു ചെറിയ സ്പൂൺ
5.ഇൻസ്റ്റന്റ് യീസ്റ്റ് – അര ചെറിയ സ്പൂൺ
പാകം ചെയ്യുന്ന വിധം
∙അരി കഴുകി വൃത്തിയാക്കി മൂന്നു മണിക്കൂർ വെള്ളത്തിൽ കുതിർത്തു വയ്ക്കണം.
∙അവൽ തേങ്ങാവെള്ളം ചേർത്തു 15 മിനിറ്റ് വച്ച ശേഷം അരിയും നാലാമത്തെ ചേരുവയും പാകത്തിനു വെള്ളവും ചേർത്ത് ദോശമാവിന്റെ പാകത്തിന് അരച്ചെടുക്കണം.
∙ഇതിലേക്ക് യീസ്റ്റും ചേർത്ത് നന്നായി യോജിപ്പിച്ച ശേഷം രണ്ടര–മൂന്നു മണിക്കൂർ വയ്ക്കണം.
∙പിന്നീട് അപ്പച്ചട്ടിയിൽ ഒഴിച്ച് ചുറ്റിച്ചു പാലപ്പം ചുട്ടെടുക്കാം.
∙ഇതേ മാവു കൊണ്ടു കള്ളപ്പവും ഉണ്ടാക്കാം.