റൊട്ടി ഉപ്പുമാവ്
1.റൊട്ടി വെള്ളത്തിൽ കുതിർത്തു പൊടിച്ചത് – രണ്ടു കപ്പ്
2.എണ്ണ – നാലു ചെറിയ സ്പൂൺ
3.കടുക് – അര ചെറിയ സ്പൂൺ
ഉഴുന്നുപരിപ്പ് – രണ്ടു ചെറിയ സ്പൂൺ
4.വറ്റൽമുളക് – ഒന്ന്, മൂന്നായി മുറിച്ചത്
5.മഞ്ഞൾപ്പൊടി – കാൽ ചെറിയ സ്പൂൺ
6.സവാള പൊടിയായി അരിഞ്ഞത് – അരക്കപ്പ്
പച്ചമുളക് വട്ടത്തിൽ അരിഞ്ഞത് – ഒരു ചെറിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
കറിവേപ്പില – ഒരു പിടി
7.ചെറുനാരങ്ങനീര് – ഒരു ചെറിയ സ്പൂൺ
ഉപ്പ് – പാകത്തിന്
8.തേങ്ങ ചുരണ്ടിയത് – കാൽ കപ്പ്
പാകം ചെയ്യുന്ന വിധം
∙റൊട്ടി വെള്ളത്തിൽ ഒന്നു മുക്കി ഉടൻ തന്നെ പിഴിഞ്ഞു ചെറിയ കഷണങ്ങളാക്കി വയ്ക്കണം.
∙എണ്ണ ചൂടാക്കി കടുകും ഉഴുന്നുപരിപ്പും മൂപ്പിച്ചശേഷം വറ്റൽമുളകും ചേർത്തു മൂപ്പിക്കുക.
∙ഇതിൽ മഞ്ഞൾപ്പൊടി ചേർത്തിളക്കി ഉടൻ തന്നെ ആറാമത്തെ ചേരുവ ചേർത്തു വഴറ്റുക.
∙ചെറുനാരങ്ങാനീരും ഉപ്പും ചേർത്തശേഷം റൊട്ടിയും ചേർത്തു വെള്ളം വലിഞ്ഞാലുടൻ തേങ്ങ ചുരണ്ടിയതും ചേർത്തിളക്കി വാങ്ങി വയ്ക്കുക.
∙ഒരു ചെറിയ മോൾഡിലാക്കി, വിളമ്പാൻ നേരത്തു മറിച്ചിട്ടു മല്ലിയില കൊണ്ട് അലങ്കരിച്ചു വിളമ്പാം.
