മുട്ട സുക്ക
1.മുട്ട – നാല്. പുഴുങ്ങിയത്
2.വെളിച്ചണ്ണ – രണ്ടു വലിയ സ്പൂൺ
3.പെരുംജീരകം – അര ചെറിയ സ്പൂൺ
കറുവാപ്പട്ട – ഒരു കഷണം
4.ഇഞ്ചി–വെളുത്തുള്ളി പേസ്‌റ്റ് – ഒരു ചെറിയ സ്പൂൺ
കറിവേപ്പില – ഒരു തണ്ട്
5.കുരുമുളകുപൊടി – കാൽ ചെറിയ സ്പൂൺ
കശ്മീരി മുളകുപൊടി – കാൽ ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
ചിക്കൻ മസാല – ഒരു ചെറിയ സ്പൂൺ
വറ്റൽമുളക് ചതച്ചത് – അര ചെറിയ സ്പൂൺ
6.മല്ലിയില അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙മുട്ട പുഴുങ്ങി രണ്ടായി മുറിച്ച് മുട്ടയുടെ വെള്ളയും മഞ്ഞയും വേർതിരിച്ചു വയ്ക്കണം.
∙പാനിൽ വെളിച്ചെണ്ണ ചൂടാക്കി മൂന്നാമത്തെ ചേരുവ വഴറ്റണം.
∙നാലാമത്തെ ചേരുവ വഴറ്റി പച്ചമണം മാറുമ്പോൾ പൊടികൾ ചേർക്കണം.
∙പാകത്തിനു വെള്ളം ചേർത്തിളക്കി കുറുകി വരുമ്പോൾ മുട്ടയുടെ വെള്ള ചേർക്കുക.
∙നന്നായി ഇളക്കി യോജിപ്പിച്ച് മുട്ടമഞ്ഞ കൂടി ചേർത്തിളക്കണം. മുട്ടമഞ്ഞ പൊടിഞ്ഞു പോകരുത്.
∙മല്ലിയില ചേർത്തിളക്കി വാങ്ങി ചൂടോടെ വിളമ്പാം.
