ചെറുപയർ സൂപ്പ്
1.ചെറുപയർ – 80 ഗ്രാം
2.വെള്ളം – നാലു കപ്പ്
3.ജീരകം വറുത്തു പൊടിച്ചത്, ചുക്കുപൊടി, കുരുമുളകുപൊടി – കാൽ ചെറിയ സ്പൂൺ വീതം
വെളുത്തുള്ളി – നാല് അല്ലി, ചതച്ചത്
ഉപ്പ് – പാകത്തിന്
4.കറിവേപ്പില – ഒരു തണ്ട്
പാകം ചെയ്യുന്ന വിധം
∙ചെറുപയർ നാലുകപ്പു വെള്ളമൊഴിച്ചു പ്രഷർ കുക്കറിൽ നന്നായി വേവിക്കുക. പയർ നന്നായി ഉടച്ചശേഷം അരിച്ചെടുക്കണം.
∙ഇതിലേക്കു മൂന്നാമത്തെ ചേരുവ ചേർത്തു തിളപ്പിക്കുക.
∙സൂപ്പ് പാകത്തിനു കുറുകി വരുമ്പോൾ വാങ്ങിയ ശേഷം കറിവേപ്പില ചേർത്തു വിളമ്പാം.
