കുബൂസ്
1.മൈദ – രണ്ടു കപ്പ്
യീസ്റ്റ് – അര ചെറിയ സ്പൂൺ
പഞ്ചസാര – ഒരു വലിയ സ്പൂൺ
2.ഉപ്പ് – പാകത്തിന്
എണ്ണ – ഒരു വലിയ സ്പൂൺ
ചെറുചൂടുവെള്ളം – പാകത്തിന്
പാകം ചെയ്യുന്ന വിധം
∙മൈദയും യീസ്റ്റും പഞ്ചസാരയും ചേർത്തു നന്നായി യോജിപ്പിക്കുക.
∙ഇതിലേക്കു രണ്ടാമത്തെ ചേരുവ ചേർത്തു നന്നായി കുഴയ്ക്കുക.
∙ഈ മാവ് ഒരു കൗണ്ടർടോപ്പിലിട്ട് 8-10 മിനിറ്റു നന്നായി കുഴച്ചു നല്ല മയമുള്ള മാവു തയാറാക്കുക. ആവശ്യമെങ്കിൽ അല്പം മൈദ തൂവിക്കൊടുക്കാം.
∙ഇത് എണ്ണ പുരട്ടുയ ഒരു ബൗളിലാക്കി അല്പം എണ്ണ തടവി അടച്ച് 2 മണിക്കൂർ വയ്ക്കുക. മാവ് ഇരട്ടിയാകുന്നതാണ് പാകം.
∙രണ്ടു മണിക്കൂറിനു ശേഷം മാവെടുത്ത് ഒന്നുകൂടി കുഴച്ച് ചെറിയ ഉരുളകളാക്കുക. ഇത് ഒരു നനഞ്ഞ തുണികൊണ്ടു മൂടി 15 മിനിറ്റ് വയ്ക്കുക.
∙ശേഷം ഓരോ ഉരുളകളും പരത്തി വീണ്ടും നനഞ്ഞ തുണികൊണ്ടു മൂടി 10 മിനിറ്റു വയ്ക്കുക. നല്ല മയം വരുന്നതിനാണ് ഇങ്ങനെ ചെയ്യുന്നത്.
∙തവ ചൂടാക്കി പരത്തി വച്ചിരിക്കുന്ന കുബൂസ് തിരിച്ചും മറിച്ചുമിട്ടു വേവിച്ചെടുക്കുക.