പാലക് സൂപ്പ്
1. ചീര (പാലക്) - രണ്ടു കപ്പ്
സവാള പൊടിയായി അരിഞ്ഞത് - മുക്കാൽ കപ്പ്
2. വെണ്ണ - രണ്ടു ചെറിയ സ്പൂൺ
3. കോൺഫ്ളോർ - ഒരു ചെറിയ സ്പൂൺ
4. പാൽ - ഒരു കപ്പ്
5. ഉപ്പ് - പാകത്തിന്
കുരുമുളകു പൊടിച്ചത് - ഒര ചെറിയ സ്പൂൺ
പാകം ചെയ്യുന്ന വിധം
∙ ചീരയും സവാളയും ചേർത്തു പ്രഷർകുക്കറിലാക്കി രണ്ടു മിനിറ്റ് വേവിക്കുക. ചൂടാറിയ ശേഷം മിക്സിയിൽ അടിച്ച് അരിച്ചു മാറ്റി വയ്ക്കുക.
∙ ഒരു പാനിൽ വെണ്ണ ചൂടാക്കിയ ശേഷം കോൺഫ്ളോർ ചേർത്തിളക്കുക. ഇളംബ്രൗൺ നിറമാകുമ്പോൾ പാൽ അൽപാൽപമായി ചേർത്തു കട്ടകെട്ടാതെ ഇളക്കണം.
∙ കുറുകിത്തുടങ്ങുമ്പോൾ തയാറാക്കി വച്ചിരിക്കുന്ന ചീരക്കൂട്ട് ചേർത്തു രണ്ടു മിനിറ്റ് വേവിക്കുക. പാകത്തിനുപ്പും കുരുമുളകുപൊടിയും ചേർത്തിളക്കി വാങ്ങി ചൂടോടെ വിളമ്പുക.
