Monday 29 May 2023 03:51 PM IST : By സ്വന്തം ലേഖകൻ

ചോറിനൊപ്പം ഇതുണ്ടങ്കിൽ പാത്രം കാലിയാകും തീർച്ച, തയാറാക്കാം ചെമ്മീൻ മുളകുകറി!

prawns

ചെമ്മീൻ മുളകുകറി

1.ചെമ്മീൻ, തൊണ്ടും നാരും കളഞ്ഞത് – കാൽ കിലോ

2.വെളിച്ചെണ്ണ – രണ്ടു വലിയ സ്പൂൺ

3.ചുവന്നുള്ളി – പത്ത്, അരിഞ്ഞത്

ഇഞ്ചി – ഒരിഞ്ചു കഷണം, അരിഞ്ഞത്

വെളുത്തുള്ളി – അഞ്ച് അല്ലി, അരിഞ്ഞത്

കറിവേപ്പില – ഒരു തണ്ട്

4.മഞ്ഞൾപ്പൊടി – കാൽ ചെറിയ സ്പൂൺ

കാശ്മീരി മുളകുപൊടി – രണ്ടു വലിയ സ്പൂൺ

മുളകുപൊടി – ഒരു ചെറിയ സ്പൂൺ

5.തക്കാളി – ഒന്ന്, അരിഞ്ഞത്

6.കുടംപുളി – രണ്ടു കഷണം

7.വെളിച്ചെണ്ണ – അര ചെറിയ സ്പൂൺ

കറിവേപ്പില – ഒരു തണ്ട്

പാകം ചെയ്യുന്ന വിധം

∙ചെമ്മീന്‍ കഴുകി വൃത്തിയാക്കി വയ്ക്കുക.

∙മൺചട്ടിയിൽ വെളിച്ചെണ്ണ ചൂടാക്കി മൂന്നാമത്തെ ചേരുവ ചേർത്തു വഴറ്റുക.

∙ഇതിലേക്ക് നാലാമത്തെ ചേരുവ ചേർത്തു മൂപ്പിക്കണം.

∙പച്ചമണം മാറുമ്പോൾ തക്കാളി ചേർത്തു വഴറ്റണം.

∙ഇതിലേക്ക് ചെമ്മീൻ ചേർക്കുക.

∙വാളൻപുളിയും ചേർത്തു മൂടിവച്ച് വേവിക്കുക.

∙വെന്തുവരുമ്പോൾ ഏഴാമത്തെ ചേരുവയും ചേർത്തു വാങ്ങാം.