പാലപ്പം
1.അരിപ്പൊടി – കാൽ കപ്പ്
വെള്ളം – മൂന്നു കപ്പ്
2.അരിപ്പൊടി – ഒന്നരക്കപ്പ്
പഞ്ചസാര – മൂന്നു വലിയ സ്പൂൺ
ഇൻസ്റ്റന്റ് യീസ്റ്റ് – ഒരു ചെറിയ സ്പൂൺ
3.കട്ടിത്തേങ്ങാപ്പാൽ – രണ്ടരക്കപ്പ്
4.ഉപ്പ് – പാകത്തിന്
പാകം ചെയ്യുന്ന വിധം
അപ്പത്തിനുള്ള കപ്പി കാച്ചാൻ ഒന്നാമത്തെ ചേരുവ യോജിപ്പിച്ച് അടുപ്പിൽ വച്ചു കുറുക്കുക. തിളയ്ക്കാൻ തുടങ്ങുമ്പോൾ വാങ്ങി ചൂടാറാൻ വയ്ക്കണം.
ഒരു വലിയ പാത്രത്തിൽ രണ്ടാമത്തെ ചേരുവ യോജിപ്പിക്കുക. ഇതിലേക്കു ചെറുചൂടുള്ള കപ്പിയും കട്ടിത്തേങ്ങാപ്പാലും ചേർത്തു കട്ടകെട്ടാതെ ഇളക്കി യോജിപ്പിച്ചശേഷം എട്ടു മണിക്കൂർ അനക്കാതെ വയ്ക്കണം.
പിന്നീട് പാകത്തിന് ഉപ്പും ചേർത്തിളക്കി മാവ് അപ്പച്ചട്ടിയിൽ കോരിയൊഴിച്ചു ചുറ്റിച്ച് അപ്പം ചുട്ടെടുക്കുക.
അപ്പത്തിനു കൂടുതൽ മധുരം വേണമെന്നുള്ളവർക്ക് കൂടുതൽ പഞ്ചസാര ചേർക്കാം.