മുരിങ്ങയില കറി
1.മുരിങ്ങയില – രണ്ടു കപ്പ്
2.വെളിച്ചെണ്ണ – രണ്ടു വലി സ്പൂൺ
3.ചുവന്നുള്ളി അരിഞ്ഞത് – കാൽ കപ്പ്
പച്ചമുളക് – രണ്ട്, പിളർന്നത്
4.ഉപ്പ് – പാകത്തിന്
5.തേങ്ങ ചിരകിയത് – ഒരു കപ്പ്
ചുവന്നുള്ളി – നാല്
മഞ്ഞൾപ്പൊടി – അര ചെറിയ സ്പൂൺ
വെള്ളം – അരക്കപ്പ്
6.വെളിച്ചെണ്ണ – ഒരു വലിയ സ്പൂൺ
7.കടുക് – അര ചെറിയ സ്പൂൺ
വറ്റൽമുളക് – രണ്ട്, മുറിച്ചത്
പാകം ചെയ്യുന്ന വിധം
∙മുരിങ്ങയില വൃത്തിയാക്കി വയ്ക്കണം.
∙മൺചട്ടിയിൽ വെളിച്ചെണ്ണ ചൂടാക്കി മൂന്നാമത്തെ ചേരുവ വഴറ്റണം.
∙മുരിങ്ങയില ചേർത്ത് രണ്ടു മിനിറ്റു വഴറ്റി ഉപ്പും ചേർത്തിളക്കുക.
∙അഞ്ചാമത്തെ ചേരുവ മയത്തിൽ അരച്ചതു കറിയിൽ ചേർത്തു അരക്കപ്പു വെള്ളം കൂടി ചേർത്തിളക്കി യോജിപ്പിക്കണം. തിളയ്ക്കരുത്.
∙പാനിൽ വെളിച്ചെണ്ണ ചൂടാക്കി ഏഴാമത്തെ ചേരുവ താളിച്ചു കറിയിൽ ചേർത്തു വിളമ്പാം.
