Tuesday 30 May 2023 03:08 PM IST : By സ്വന്തം ലേഖകൻ

കൊതിപ്പിക്കും രുചിയിൽ തയാറാക്കാം ആന്ധ്ര സ്‌റ്റൈൽ ചിക്കൻ ഫ്രൈ, ഈസി റെസിപ്പി!

andhra

ആന്ധ്ര സ്‌റ്റൈൽ ചിക്കൻ ഫ്രൈ

1.ചിക്കൻ – ഒരു കിലോ

2.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ

കാശ്മീരി മുളകുപൊടി – ഒരു വലിയ സ്പൂൺ

ഉപ്പ് – മുക്കാൽ ചെറിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

3.ഗ്രാമ്പൂ – അഞ്ച്

കറുവാപ്പട്ട – രണ്ടു ചെറിയ കഷണം

കുരുമുളക് – അര വലിയ സ്പൂൺ

വറ്റൽമുളക് – 5–7

ജീരകം – ഒരു ചെറിയ സ്പൂൺ

പെരുംജീരകം – അര വലിയ സ്പൂൺ

മല്ലി – ഒരു വലിയ സ്പൂൺ

4.വെളിച്ചെണ്ണ – മൂന്നു വലിയ സ്പൂൺ

5.കറിവേപ്പില – രണ്ടു തണ്ട്

6.സവാള – മൂന്ന്, പൊടിയായി അരിഞ്ഞത്

ഉപ്പ് – മുക്കാൽ ചെറിയ സ്പൂൺ

7.മല്ലിയില – ഒരു പിടി

പാകം ചെയ്യുന്ന വിധം

∙ചിക്കൻ ചെറിയ കഷണങ്ങളാക്കി കഴുകി വൃത്തിയാക്കി വയ്ക്കുക.

∙ഇതിലേക്ക് രണ്ടാമത്തെ ചേരുവ ചേർത്തു നന്നായി യോജിപ്പിച്ച് ഒരു മണിക്കൂർ മാറ്റി വയ്ക്കണം.

∙പാൻ ചൂടാക്കി മൂന്നാമത്തെ ചേരുവ ചേർത്തു വറുത്തു പൊടിച്ചു വയ്ക്കണം.

∙പാനിൽ വെളിച്ചെണ്ണ ചൂടാക്കി കറിവേപ്പില വഴറ്റുക.

∙ഇതിലേക്ക് ആറാമത്തെ ചേരുവ ചേർത്തു വഴറ്റണം.

∙സവാള വഴന്നു വരുമ്പോൾ ചിക്കൻ ചേർത്തു വഴറ്റി മൂടി വച്ചു വേവിക്കുക.

∙മുക്കാൽ വേവാകുമ്പോൾ പൊടിച്ചു വച്ച മസാലയും ചേർത്തു വഴറ്റി വരട്ടിയെടുക്കുക.

∙മല്ലിയില ചേർത്തിളക്കി വിളമ്പാം.

Tags:
  • Dinner Recipes
  • Easy Recipes
  • Pachakam
  • Non-Vegertarian Recipes