ഫോട്ടോ : സരുൺ മാത്യു, ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: മെർലി എം. എൽദോ
1. ബീഫ് – അരക്കിലോ
2. ജീരകം – ഒരു നുള്ള്
കടുക് – ഒരു നുള്ള്
കുരുമുളകുപൊടി – അര ചെറിയ സ്പൂൺ
3. കറുവാപ്പട്ട – മൂന്നിഞ്ചു കഷണം
ഗ്രാമ്പൂ – നാല്
ഏലയ്ക്ക – രണ്ട്
ഉപ്പ് – പാകത്തിന്
ഇഞ്ചി – അരയിഞ്ചു കഷണം, അരിഞ്ഞത്
കറിവേപ്പില – രണ്ടു തണ്ട്
സവാള – രണ്ട്, പൊടിയായി അരിഞ്ഞത്
4. എണ്ണ – പാകത്തിന്
5. തക്കാളി – രണ്ട്
6. കടുക് – ഒരു നുള്ള്
7. വറ്റൽമുളക് – മൂന്ന്
ചുവന്നുള്ളി – നാല്
വെളുത്തുള്ളി – അഞ്ച് അല്ലി
മഞ്ഞൾപ്പൊടി – ഒരു നുള്ള്
8. സവാള – രണ്ട്
ഉരുളക്കിഴങ്ങ് – രണ്ട്, വേവിച്ചത്
പാകം െചയ്യുന്ന വിധം
∙ ബീഫ് വൃത്തിയാക്കി സ്ലൈസ് ചെയ്ത്, അടിച്ചു പരത്തിയ ശേഷം രണ്ടാമത്തെ ചേരുവ പുരട്ടി ഒന്ന്–രണ്ടു മണിക്കൂർ വ യ്ക്കണം.
∙ പിന്നീട് മൂന്നാമത്തെ ചേരുവയും പാകത്തിനു വെള്ളവും ചേ ർത്തു വേവിക്കുക.
∙ നന്നായി വെന്ത ശേഷം ബീഫ് സ്ലൈസുകൾ ഗ്രേവിയിൽ നിന്നെടുത്തു ചൂടായ എണ്ണയിലിട്ട് ഇരുവശവും ബ്രൗൺ നിറമാകും വരെ വറുത്തെടുക്കണം.
∙ തക്കാളി തിളച്ച വെള്ളത്തിലിട്ടെടുത്തു തണുത്ത വെള്ളത്തിലിട്ടു തൊലി കളഞ്ഞു പൊടിയായി അരിഞ്ഞു വയ്ക്കുക.
∙ പാനിൽ എണ്ണ ചൂടാക്കി കടുകു പൊട്ടിച്ച ശേഷം ഏഴാമത്തെ ചേരുവ ചേർത്തു വഴറ്റുക.
∙ ഇതിലേക്കു തക്കാളി അരിഞ്ഞതു ചേർത്തു വഴറ്റിയ ശേഷം വറുത്തു വച്ചിരിക്കുന്ന ഇറച്ചിക്കഷണങ്ങളും ചേർത്തിളക്കുക. നന്നായി യോജിപ്പിച്ച ശേഷം ഇറച്ചി വേവിച്ച ഗ്രേവിയും ചേർത്തിളക്കി നന്നായി വേവിച്ചു പുരട്ടിയെടുക്കണം.
∙ സവാളയും ഉരുളക്കിഴങ്ങും വറുത്തതു കൊണ്ട് അലങ്കരിച്ച്, ചപ്പാത്തിക്കോ ചോറിനോ ബ്രെഡിനോ ഒപ്പം വിളമ്പാം.
