ബിസ്കറ്റ് കാരമൽ പുഡിങ്
1.പഞ്ചസാര – കാൽ കപ്പ്
2.മാരി ബിസ്കറ്റ് – ഒരു പായ്ക്കറ്റ്
3.പാൽ – രണ്ടു കപ്പ്
മുട്ട – രണ്ട്
പഞ്ചസാര – അരക്കപ്പ്
വാനില എസ്സൻസ് – അര ചെറിയ സ്പൂൺ
പാകം ചെയ്യുന്ന വിധം
∙പാൻ ചൂടാക്കി പഞ്ചസാര കാരമലൈസ് ചെയ്തു പുഡിങ് തയാറാക്കാനുള്ള പാത്രത്തിൽ ഒഴിച്ചു വയ്ക്കുക.
∙ബിസ്കറ്റ് മിക്സിയിൽ നന്നായി പൊടിച്ചെടുക്കണം.
∙ഇതിലേക്കു മൂന്നാമത്തെ ചേരുവ ചേർത്തടിച്ചു തയാറാക്കി വച്ചിരിക്കുന്ന പാത്രത്തിലേയ്ക്ക് അരിച്ച് ഒഴിക്കുക.
∙ഒരു ഫോയിൽ പേപ്പർ കൊണ്ടു മൂടി ആവി വരുന്ന ഇഡലി തട്ടിൽ വച്ചു മുക്കാൽ മുതൽ ഒരു മണിക്കൂർ വരെ വേവിക്കുക. പുഡിങ് ഉറയ്ക്കുന്നതാണു പാകം.
