1. വെളിച്ചെണ്ണ – രണ്ടു വലിയ സ്പൂൺ
2. പാവയ്ക്ക – ഒരു ചെറുത്, പൊടിയായി അരിഞ്ഞത്
പച്ചമുളക് – മൂന്ന്, വട്ടത്തിൽ അരിഞ്ഞത്
3. തേങ്ങ ചുരണ്ടിയത് – അരക്കപ്പ്
കടുക് – ഒരു ചെറിയ സ്പൂൺ
4. തൈര് – ഒരു കപ്പ്
5. കടുക് – അര ചെറിയ സ്പൂൺ
വറ്റൽമുളക് – രണ്ട്
കറിവേപ്പില – ഒരു തണ്ട്
6. ഉപ്പ് – പാകത്തിന്
പാകം ചെയ്യുന്ന വിധം
∙ ചീനച്ചട്ടിയിൽ വെളിച്ചെണ്ണ ചൂടാക്കി പാവയ്ക്കയും പച്ചമുളകും കരുകരുപ്പായി വറുത്തു ചൂടാറാൻ വയ്ക്കുക.
∙ തേങ്ങയും കടുകും തരുതരുപ്പായി അരച്ചത് തൈരിൽ ചേർത്തു വയ്ക്കണം.
∙ ഇതിലേക്കു പാവയ്ക്കയും പച്ചമുളകും വറുത്തതു ചേർത്ത് ഇളക്കുക.
∙ ചീനച്ചട്ടിയില‍്‍ വെളിച്ചെണ്ണ ചൂടാക്കി അഞ്ചാമത്തെ ചേരുവ താളിച്ച് കറിയിൽ ചേർക്കുക.
∙ ഉപ്പും ചേർത്തു വിളമ്പാം.
കടപ്പാട്: അനിത രവീന്ദ്രന്‍, പാലാ
