ചിക്കൻ സ്‌റ്റ്യൂ
1.ചിക്കൻ – അരക്കിലോ
2.ഉരുളക്കിഴങ്ങ് – രണ്ടു വലുത്, ചതുരക്കഷണങ്ങളാക്കിയത്
കാരറ്റ് – ഒരു വലുത്, ചതുരക്കഷണങ്ങളാക്കിയത്
ഗ്രീൻപീസ് – കാല്‍ കപ്പ്
ഉപ്പ്, കുരുമുളകുപൊടി – പാകത്തിന്
കറിവേപ്പില – ഒരു തണ്ട്
3.വെളിച്ചെണ്ണ – ഒരു വലിയ സ്പൂൺ
നെയ്യ് – ഒരു വലിയ സ്പൂൺ
4.കറുവാപ്പട്ട – ഒരു കഷണം
ഗ്രാമ്പൂ – നാല്
ഏലയ്ക്ക – മൂന്ന്
5.സവാള – ഒന്ന്, അരിഞ്ഞത്
വെളുത്തുള്ളി – നാല് അല്ലി
ഇഞ്ചി – ഒരു ചെറിയ കഷണം
പച്ചമുളക് – രണ്ട്, പിളർന്നത്
6.പാൽ – രണ്ടു കപ്പ്
7.കോൺഫ്‌ളോർ – ഒരു വലിയ സ്പൂൺ, അൽപം പാലിൽ കലക്കിയത്
8.ഗരംമസാലപൊടി – അര ചെറിയ സ്പൂൺ
9.വെളിച്ചെണ്ണ – ഒരു വലിയ സ്പൂൺ
10.കടുക് – അര ചെറിയ സ്പൂൺ
വറ്റൽമുളക് – രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ചിക്കൻ വൃത്തിയാക്കി കഷണങ്ങളാക്കി വയ്ക്കുക.
∙പ്രഷർ കുക്കറിൽ ചിക്കനും രണ്ടാമത്തെ ചേരുവയും അൽപം വെള്ളവും ചേർത്ത് രണ്ടു വിസിൽ വരും വരെ വേവിക്കുക.
∙പാനിൽ വെളിച്ചെണ്ണയും നെയ്യും ചൂടാക്കി നാലാമത്തെ ചേരുവ ചതച്ചു ചേർത്തു വഴറ്റണം.
∙ഇതിലേക്ക് അഞ്ചാമത്തെ ചേരുവ ചേർത്തു വഴറ്റി സവാള കണ്ണാടിപ്പരുവമാകുമ്പോൾ വേവിച്ചു വച്ചിരിക്കുന്ന ചിക്കനും പച്ചക്കറികളും ചേർത്തു നന്നായി ഇളക്കി യോജിപ്പിക്കണം.
∙പാൽ ചേർത്തിളക്കി തിളയ്ക്കുന്നതിനു മുൻപ് കോൺഫ്‌ളോർ കലക്കിയതും ചേർത്തിളക്കി കുറുകുമ്പോൾ ഉപ്പും കുരുമുളകും പാകത്തിനാക്കി ഗരംമസാലപൊടിയും ചേർത്തിളക്കി വാങ്ങാം.
∙വെളിച്ചെണ്ണയിൽ 10–ാമത്തെ ചേരുവ താളിച്ചു കറിയിൽ ചേർത്തു വിളമ്പാം.
