Saturday 09 November 2019 02:49 PM IST

കോക്കനട്ട് ഫിഷ്, ഇനിയും കഴിച്ചിട്ടില്ലാത്തവർ ഒന്ന് ട്രൈ ചെയ്തുനോക്കൂ...

Merly M. Eldho

Chief Sub Editor

Coconut-fish
ഫോട്ടോ : സരുൺ മാത്യു, ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: സുനിത ആന്റണി, പുത്തനങ്ങാടി, കാഞ്ഞിരപ്പള്ളി

1. മീന്‍ വൃത്തിയാക്കിയത് – അരക്കിലോ

2. ഉപ്പ്, മൈദ – പാകത്തിന്

3. എണ്ണ – പാകത്തിന്

4. തേങ്ങ ചുരണ്ടിയത് – ഒരു കപ്പ്

മല്ലി – ഒന്നര വലിയ സ്പൂൺ

പെരുംജീരകം – കാൽ ചെറിയ സ്പൂണ്‍

കശ്മീരി മുളക് – ആറ്

മഞ്ഞൾപ്പൊടി – അര ചെറിയ സ്പൂൺ

ഗരംമസാലപ്പൊടി – കാൽ ചെറിയ സ്പൂൺ

5. ഇഞ്ചി അരിഞ്ഞത് – ഒരു ചെറിയ സ്പൂൺ

വെളുത്തുള്ളി അരിഞ്ഞത് – ഒരു ചെറിയ സ്പൂൺ

പച്ചമുളക് – നാല്

ചുവന്നുള്ളി – എട്ട്

6. സവാള – രണ്ട്, പൊടിയായി അരിഞ്ഞത്

7. തക്കാളി – രണ്ട് ഇടത്തരം, പൊടിയായി അരിഞ്ഞത്

മല്ലി‌യില – രണ്ടു വലിയ സ്പൂൺ

ഉപ്പ് – പാകത്തിന്

8. കറിവേപ്പില – നാലു തണ്ട്, വറുത്തത്

പാകം ചെയ്യുന്ന വിധം

∙ മീനിൽ രണ്ടാമത്തെ ചേരുവ പുരട്ടി മെല്ലേ വറുത്തു മാറ്റി വയ്ക്കുക.

∙ നാലാമത്തെ ചേരുവ ബ്രൗൺ നിറത്തിൽ വറുത്തു മാറ്റി വയ്ക്കണം. അഞ്ചാമത്തെ ചേരുവ ചതച്ചു വയ്ക്കണം.

∙ പാനിൽ എണ്ണ ചൂടാക്കി, സവാള ചേർത്തു വഴറ്റുക. ഇതിലേക്കു ചതച്ചു വച്ചിരിക്കുന്ന കൂട്ടു ചേർത്തു നന്നായി വഴറ്റിയ ശേഷം തക്കാളിയും മല്ലിയിലയും ഉപ്പും േചർത്തു വഴറ്റണം.

∙ വറുത്തു വച്ചിരിക്കുന്ന തേങ്ങാക്കൂട്ടിന്റെ മുക്കാൽഭാഗം ന ന്നായി അരച്ച്, കറിയിൽ ചേർത്തിളക്കുക.

∙ മീനും ചേർത്തു നന്നായി കുറുകി വരുമ്പോൾ അടുപ്പിൽ നി ന്നു വാങ്ങി, ബാക്കിയുള്ള തേങ്ങാക്കൂട്ടും കറിവേപ്പിലയും മുകളിൽ വിതറി വിളമ്പാം.

Tags:
  • Lunch Recipes
  • Pachakam