ഇനി കുട്ടികളെ കയ്യിലെടുക്കാം എളുപ്പത്തിൽ. കറുമുറെ കൊറിക്കാൻ കുട്ടികൾക്ക് ഇഷ്ടപ്പെടുന്ന, രുചികരമായ ക്രിസ്പി പീനട്ട് ഇതാ...
1. നിലക്കടല (പച്ച) – അരക്കപ്പ്
2. കടലമാവ് – അരക്കപ്പ്
3. ഉപ്പ് – പാകത്തിന്
മല്ലി – ഒരു വലിയ സ്പൂൺ വറുത്തു പൊടിച്ചത്
ജീരകം – ഒരു വലിയ സ്പൂൺ, വറുത്തു പൊടിച്ചത്
മുളകുപൊടി – ഒരു വലിയ സ്പൂൺ
കുരുമുളകുപൊടി – ഒരു വലിയ സ്പൂൺ
കായംപൊടി – കാൽ ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
എണ്ണ – ഒരു വലിയ സ്പൂൺ
4. എണ്ണ – വറുക്കാൻ ആവശ്യത്തിന്
പാകം െചയ്യുന്ന വിധം
∙ നിലക്കടല അരമണിക്കൂർ വെള്ളത്തിൽ കുതിർത്ത ശേഷം ഊറ്റി വയ്ക്കണം.
∙ കടലമാവ് അൽപം വെള്ളം ചേർത്തു കലക്കി മാവു തയാറാക്കണം.
∙ ഇതിലേക്ക് ഊറ്റിവച്ചിരിക്കുന്ന നിലക്കടല ചേർത്തിളക്കിയ ശേഷം മൂന്നാമത്തെ ചേരുവ യോജിപ്പിച്ചതും ചേർത്തു നന്നായി ഇളക്കി യോജിപ്പിക്കണം.
∙ ചൂടായ എണ്ണയിൽ നിലക്കടല കോരിയിട്ടു കരുകരുപ്പായി വറുക്കുക.