ഈസ്റ്ററിനോട് അനുബന്ധിച്ച് വിളമ്പുന്ന രസികന്‍ വിഭവമാണ് ഈസി ദം റൈസ്. പേര് പോലെതന്നെ ഈസിയായ പാചകക്കുറിപ്പ് ഇതാ..
1. വെള്ളം – എട്ടു കപ്പ്
2. ഉപ്പ് – പാകത്തിന്
മഞ്ഞള്‍പ്പൊടി – കാല്‍ ചെറിയ സ്പൂണ്‍
ഗ്രാമ്പൂ, ഏലയ്ക്ക – മൂന്നു വീതം
പെരുംജീരകം – അര ചെറിയ സ്പൂണ്‍
കറുവാപ്പട്ട – മൂന്നു കഷണം
തക്കോലം – ഒന്ന്
ജാതിപത്രി – ഒന്ന്
കുരുമുളക് – അര ചെറിയ സ്പൂണ്‍
പച്ചമുളക് – രണ്ട്, ചതച്ചത്
3. കൈമയരി – രണ്ടു കപ്പ്, 15 മിനിറ്റ് കുതിര്‍ത്തത്
4. നെയ്യ് – ഒരു ചെറിയ സ്പൂണ്‍
എണ്ണ – ഒരു ചെറിയ സ്പൂണ്‍
5. സവാള – ഒന്ന്, അരിഞ്ഞത്
കാരറ്റ് അരിഞ്ഞത് – കാല്‍ കപ്പ്
6. കുങ്കുമപ്പൂവ് – മൂന്നു നാര്
7. മല്ലിയില – ഒരു പിടി, അരിഞ്ഞത്
പുതിനയില – ഒരു പിടി, അരിഞ്ഞത്
സവാള ഗോള്‍ഡന്‍ നിറത്തില്‍ വറുത്തത് – ഒരു കപ്പ്
ഉണക്കമുന്തിരി – ഒരു വലിയ സ്പൂണ്‍
കശുവണ്ടിപ്പരിപ്പ് – ഒരു വലിയ സ്പൂണ്‍
പാകം െചയ്യുന്ന വിധം
∙ വെള്ളം രണ്ടാമത്തെ ചേരുവ ചേര്‍ത്തു തിളപ്പിക്കുക.
∙ ഇതിലേക്ക് കുതിര്‍ത്ത അരി ചേര്‍ത്ത് മൂക്കാല്‍ വേവില്‍ വേവിച്ചൂറ്റണം.
∙ മറ്റൊരു പാനില്‍ എണ്ണയും നെയ്യും ചൂടാക്കി സവാളയും കാരറ്റും വഴറ്റണം.
∙ ഇതിലേക്ക് വേവിച്ചു വച്ച അരിയും കുങ്കുമപ്പൂവും ചേര്‍ത്ത ശേഷം ഏഴാമത്തെ ചേരുവ ചേര്‍ക്കുക.
∙ ഇത് ചൂടായ തവയില്‍ വച്ച് 15 മിനിറ്റ് അടച്ചു വച്ചു ദം ചെയ്തെടുക്കാം.
