ഈസി ചിക്കൻ റോസ്‌റ്റ്
1.ചിക്കൻ – ഒരു കിലോ
2.കശ്മീരി മുളകുപൊടി – ഒരു വലിയ സ്പൂൺ
മുളകുപൊടി – അര ചെറിയ സ്പൂൺ
മഞ്ഞൾ‌പ്പൊടി – അര ചെറിയ സ്പൂൺ
മല്ലിപ്പൊടി – മൂക്കാൽ വലിയ സ്പൂൺ
ഗരംമസാലപൊടി – ഒന്നര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
പെരുംജീരകംപൊടി – അര ചെറി സ്പൂൺ
ഉപ്പ് – പാകത്തിന്
തക്കാളി – ഒരു വലുത്
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
3.എണ്ണ – രണ്ടു വലിയ സ്പൂൺ
4.സവാള – മൂന്ന്, വറുത്തത്
5.വെള്ളം – അരക്കപ്പ്
6.കറിവേപ്പില – ഒരു തണ്ട്
പാകം ചെയ്യുന്ന വിധം
∙ചിക്കൻ അൽപം വലിയ കഷണങ്ങളാക്കി മുറിച്ച് വൃത്തിയാക്കി വയ്ക്കുക.
∙ഒരു വലിയ ബൗളിൽ രണ്ടാമത്തെ ചേരുവ നന്നായി യോജിപ്പിക്കണം.
∙ഇതിലേക്കു ചിക്കനും ചേർത്തു യോജിപ്പിച്ച് ഒരു രാത്രി ഫ്രിഡ്ജിൽ വയ്ക്കണം.
∙പാനിൽ എണ്ണ ചൂടാക്കി ചിക്കൻ ചേർത്തു തീ കൂട്ടി വച്ച് അഞ്ചു മിനിറ്റു വേവിക്കണം.
∙പിന്നീട് തീ കുറച്ചു വച്ച് പത്തു മിനിറ്റ് മൂടി വച്ചു വേവിക്കണം.
∙മുക്കാൽ വേവാകുമ്പോൾ സവാള വറുത്തതും വെള്ളവും ചേർത്തിളക്കി വീണ്ടും മൂടി വച്ചു വേവിക്കണം.
∙വെള്ളം വറ്റി വരുമ്പോൾ കറിവേപ്പില ചേർത്തിളക്കി വാങ്ങുക.
