തയാറാക്കിയത്:
മെർലി എം. എൽദോ. പാചകക്കുറിപ്പുകള്‍ക്കു കടപ്പാട്: രമേഷ് രവീന്ദ്രൻ
എക്സിക്യൂട്ടീവ് ഷെഫ്,
സൽക്കാര, അത്താണി,
നെടുമ്പാശ്ശേരി, കൊച്ചി. ഫോട്ടോയ്ക്കു വേണ്ടി വിഭവങ്ങൾ
തയാറാക്കിയത്: അനീഷ് കുമാർ
സൂ ഷെഫ്, സൽക്കാര,
നെടുമ്പാശ്ശേരി, കൊച്ചി
1. ബീഫ് – അരക്കിലോ, കഷണങ്ങളാക്കിയത്
2. മഞ്ഞൾപ്പൊടി – ഒരു ചെറിയ സ്പൂൺ
മല്ലിപ്പൊടി – നാലു ചെറിയ സ്പൂൺ
ഇഞ്ചി അരിഞ്ഞത് – ഒരു ചെറിയ സ്പൂൺ
വെളുത്തുള്ളി അരിഞ്ഞത് – കാൽ ചെറിയ സ്പൂൺ
ഉപ്പ് – പാകത്തിന്
3. വെളിച്ചെണ്ണ – 100 ഗ്രാം
4. കറിവേപ്പില – ഒരു തണ്ട്
തേങ്ങാക്കൊത്ത് – രണ്ടു ചെറിയ സ്പൂൺ
ചുവന്നുള്ളി – 100 ഗ്രാം, അരിഞ്ഞത്
5. പച്ചക്കാന്താരി – 50 ഗ്രാം, അരച്ചത്
പാകം ചെയ്യുന്ന വിധം
∙ ബീഫ് രണ്ടാമത്തെ ചേരുവ ചേർത്തു കുക്കറിലാക്കി വേവിക്കുക.
∙ പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റുക.
∙ ഇതിലേക്കു കാന്താരി അരച്ചതു ചേർത്തു നന്നായി ഇളക്കണം.
∙ ഇതിൽ ബീഫ് വേവിച്ചതു ചേർത്തു ചെറുതീയില്‍ നന്നായി തിളപ്പിക്കുക.
∙ ഗ്രേവി കുറുകുമ്പോൾ വാങ്ങി അൽപം കാന്താരി വറുത്തതു കൊണ്ട് അലങ്കരിക്കാം.
