1. ഇളം ബീഫ് എല്ലോടു കൂടി – ഒരു കിലോ
2. പാലക്ക് – ഒരു കെട്ടിന്റെ പകുതി
3. മല്ലിയില – ഒരു പിടി
പുതിനയില – ഒരു പിടി
കാന്താരി – 10–15
കറിവേപ്പില – അല്പം
4. എണ്ണ – 150 ഗ്രാം
5. സവാള – നാല്, അരിഞ്ഞത്
പച്ചമുളക് – ആറ്–ഏഴ്, അരിഞ്ഞത്
ഇഞ്ചി അരിഞ്ഞത് – രണ്ടു വലിയ സ്പൂണ്
വെളുത്തുള്ളി അരിഞ്ഞത് – രണ്ടു വലിയ സ്പൂണ്
6. തക്കാളി – രണ്ട്, അരിഞ്ഞത്
ഉപ്പ് – പാകത്തിന്
7. ഗരംമസാലപ്പൊടി – ഒരു വലിയ സ്പൂണ്
നാരങ്ങാനീര് – രണ്ടു നാരങ്ങയുടേത്
8. ബിരിയാണി അരി – മുക്കാല് കിലോ
9. സവാള വറുത്തത്, കശുവണ്ടിപ്പരിപ്പ്, ഉണക്കമുന്തിരി – അലങ്കരിക്കാന്
10. നെയ്യ് – 50 ഗ്രാം
പാകം ചെയ്യുന്ന വിധം
∙ ബീഫ് കഴുകി വൃത്തിയാക്കി വയ്ക്കുക.
∙ പാലക്ക് തിളയ്ക്കുന്ന വെള്ളത്തിലിട്ട് എടുത്ത ശേഷം ഐസ് വെള്ളത്തിലിട്ടെടുക്കുക. ഇതു മൂന്നാമത്തെ ചേരുവ ചേര്ത്ത് അരച്ചു പേസ്റ്റ് പരുവത്തിലാക്കണം.
∙ പാനില് എണ്ണ ചൂടാക്കി അഞ്ചാമത്തെ ചേരുവ ചേര്ത്തു വഴറ്റുക. ഇതിലേക്കു തക്കാളിയും ഉപ്പും ചേര്ത്തു വഴറ്റിയ ശേഷം ബീഫ് ചേര്ത്തു വേവിക്കണം.
∙ ബീഫ് വെന്ത ശേഷം കാന്താരി മിശ്രിതം ചേര്ത്തിളക്കണം. ഇതിലേക്ക് ഏഴാമത്തെ ചേരുവയും ചേര്ത്തിളക്കി തിളപ്പിക്കുക.
∙ ബിരിയാണി അരി കുതിര്ത്ത ശേഷം വേവിച്ചൂറ്റി വയ്ക്കുക.
∙ ഇതു തിളയ്ക്കുന്ന ബീഫ് മിശ്രിതത്തിനു മുകളിലിട്ട ശേഷം ഒന്പതാമത്തെ ചേരുവ സവാള വറുത്ത 50 ഗ്രാം എണ്ണയിലും 50 ഗ്രാം നെയ്യിലും ചേര്ത്തിളക്കി മുകളില് വിതറുക.
∙ 20 മിനിറ്റ് ദം ചെയ്ത ശേഷം വിളമ്പാം.
തയാറാക്കിയത്: മെർലി എം. എൽദോ, ഫോട്ടോ: ശ്രീകാന്ത് കളരിക്കല്. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള് തയാറാക്കിയതിനും കടപ്പാട്: ഷൈല കുഞ്ഞുമോന്, മലബാര് ഷെഫ് ചാക്കോളാസ് പവിലിയന്, കളമശ്ശേരി, എറണാകുളം.