കോവയ്ക്ക ഉള്ളിക്കാരം
1.എണ്ണ – രണ്ടു വലിയ സ്പൂൺ
2.ജീരകം – ഒരു വലിയ സ്പൂൺ
മല്ലി – രണ്ടു വലിയ സ്പൂൺ
3.വറ്റൽമുളക് – അഞ്ച്
വെളുത്തുള്ളി – അഞ്ച് അല്ലി
സവാള – രണ്ട്, അരിഞ്ഞത്
ഉപ്പ് – പാകത്തിന്
4.കോവയ്ക്ക അരിഞ്ഞത് – ഒന്നരക്കപ്പ്
5.മഞ്ഞൾപ്പൊടി – അര ചെറിയ സ്പൂണ്‍
ഉപ്പ് – പാകത്തിന്
കറിവേപ്പില – ഒരു തണ്ട്
6.മല്ലിയില – രണ്ടു വലിയ സ്പൂൺ
പാകം ചെയ്യുന്ന വിധം
∙പാനിൽ ഒരു വലിയ സ്പൂൺ എണ്ണ ചൂടാക്കി രണ്ടാമത്തെ ചേരുവ വഴറ്റണം.
∙പച്ചമണം മാറുമ്പോൾ മൂന്നാമത്തെ ചേരുവ വഴറ്റുക.
∙സവാള കണ്ണാടിപ്പരുവമാകുമ്പോൾ വാങ്ങി തണുത്തു കഴിയുമ്പോൾ മിക്സിയിൽ അരച്ചു വയ്ക്കണം.
∙പാനിൽ ഒരു വലിയ സ്പൂൺ എണ്ണ ചൂടാക്കി കോവയ്ക്ക ചേർത്തു വഴറ്റുക.
∙നിറം മാറി തുടങ്ങുമ്പോൾ അഞ്ചാമത്തെ ചേരുവ ചേർത്തു വഴറ്റണം.
∙ഇതിലേക്ക് അരച്ചു വച്ച മസാലയും ചേർത്തു വഴറ്റി എണ്ണ തെളിയുമ്പോൾ മല്ലിയിലയും ചേർത്തിളക്കി വാങ്ങാം.
