പനീർ പുലാവ്
1.എണ്ണ – മൂന്നു വലിയ സ്പൂൺ
2.പനീർ – 200 ഗ്രാം, ചതുരക്കഷണങ്ങളാക്കിയത്
3.നെയ്യ് – രണ്ടു വലിയ സ്പൂൺ
4.ബേ ലീഫ് – രണ്ട്
കറുവാപ്പട്ട – ഒരു ചെറിയ കഷണം
തക്കോലം – ഒന്ന്
ഗ്രാമ്പൂ – ആറ്
ജീരകം – ഒരു ചെറിയ സ്പൂൺ
കുരുമുളക് – 18–20 എണ്ണം
5.സവാള – ഒരു വലുത്‌, അരിഞ്ഞത്
6.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
പച്ചമുളക് – ഒന്ന്, നീളത്തിൽ അരിഞ്ഞത്
7.കാരറ്റ്, ചെറിയ ചതുരക്കഷണങ്ങളാക്കിയത് – അരക്കപ്പ്
ഗ്രീൻ പീസ് – അരക്കപ്പ്
കാപ്സിക്കം, ചെറിയ ചതുരക്കഷണങ്ങളാക്കിയത് – അരക്കപ്പ്
8.ഉപ്പ് – പാകത്തിന്
ഗരംമസാലപ്പൊടി – അര ചെറിയ സ്പൂൺ
വെള്ളം – ഒന്നരക്കപ്പ്
9.ബസ്മതി അരി – ഒരു കപ്പ്, കുതിർ‌ത്തത്
10.നെയ്യ് – ഒരു വലിയ സ്പൂൺ
പാകം ചെയ്യുന്ന വിധം
∙പാനിൽ എണ്ണ ചൂടാക്കി പനീർ കഷണങ്ങൾ ചേർത്തു ബ്രൗൺ നിറത്തിൽ വറുത്തു കോരി മാറ്റി വയ്ക്കുക.
∙ഒരു പ്രഷർ കുക്കറിൽ നെയ്യ് ചൂടാക്കി നാലാമത്തെ ചേരുവ വഴറ്റുക.
∙അരിഞ്ഞു വച്ചിരിക്കുന്ന സവാള ചേർത്തു വഴറ്റി നിറം മാറിത്തുടങ്ങുമ്പോള്‍ പച്ചമുളകും, ഇഞ്ചി–വെളുത്തുള്ളി പേസ്‌റ്റും ചേർത്തു വഴറ്റണം.
∙പച്ചമണം മാറുമ്പോള്‍ ഏഴാമത്തെ ചേരുവ ചേർത്തു രണ്ടു മിനിറ്റു വഴറ്റുക.
∙എട്ടാമത്തെ ചേരുവ ചേർത്തിളക്കി തിളയ്ക്കുമ്പോൾ കുതിർത്ത അരിയും ഒരു വലിയ സ്പൂൺ നെയ്യും ചേർത്തു ഒരു വിസിൽ വരുന്നതു വരെ വേവിക്കുക.
∙തുറന്നു ഫോർക്കു കൊണ്ട് ഇളക്കി ചൂടോടെ വിളമ്പാം.
