ഷെസ്വാൻ നൂഡിൽസ്
1. എണ്ണ – രണ്ടു വലിയ സ്പൂൺ
ചില്ലി ഓയിൽ – ഒരു വലിയ സ്പൂണ്
2. വെളുത്തുള്ളി പൊടിയായി അരിഞ്ഞത് – രണ്ടു ചെറിയ സ്പൂൺ
3. സെലറി പൊടിയായി അരിഞ്ഞത് – രണ്ടു വലിയ സ്പൂൺ
കാപ്സിക്കം തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – അരക്കപ്പ്
കാബേജ് അരിഞ്ഞത് – അരക്കപ്പ്
കാരറ്റ് തിളച്ച വെള്ളത്തിലിട്ടെടുത്തു കോണോടു കോൺ മുറിച്ചത് – അരക്കപ്പ്
ബീൻസ് തിളച്ച െവള്ളത്തിലിട്ടെടുത്തു ചരിച്ചു മുറിച്ചത് – അരക്കപ്പ്
4. പയർ മുളപ്പിച്ചത് – അരക്കപ്പ്
5. ഷെസ്വാൻ സോസ് – അഞ്ചു വലിയ സ്പൂൺ
6. ഹക്ക നൂഡിൽസ് േവവിച്ചത് – മൂന്നു കപ്പ്
ഉപ്പ് – പാകത്തിന്
പാകം െചയ്യുന്ന വിധം
∙ ഒരു വലിയ പാനിൽ എണ്ണയും ചില്ലി ഓയിലും യോജിപ്പിച്ചു ചൂടാക്കുക.
∙ ഇതിൽ െവളുത്തുള്ളി ചേർത്ത് ഇടത്തരം തീയിൽ വച്ച് ഏതാനും സെക്കൻഡ് വഴറ്റിയശേഷം മൂന്നാമത്തെ ചേരുവ ചേർത്തു രണ്ടു മിനിറ്റ് വഴറ്റണം.
∙ ഇതിലേക്കു പയർ മുളപ്പിച്ചതും ചേർത്ത് ഒരു മിനിറ്റ് വഴറ്റുക.
∙ വഴന്ന കൂട്ടിലേക്കു ഷെസ്വാൻ സോസും നൂഡിൽസ് വേവിച്ചതും ഉപ്പും േചർത്തു നന്നായി ഇളക്കി യോജിപ്പിക്കുക. രണ്ടു മിനിറ്റ് വീണ്ടും വേവിക്കുക. ഇടയ്ക്കിടെ ഇളക്കിക്കൊടുക്കണം.
∙ അടുപ്പില‍്‍ നിന്നു വാങ്ങി ചൂടോടെ വിളമ്പുക.
പാസ്ത ഇൻ വൈറ്റ് സോസ്
1. വെണ്ണ – രണ്ടു വലിയ സ്പൂൺ
2. ൈമദ – ഒരു വലിയ സ്പൂൺ
3. പാൽ – 250 മില്ലി
4. ക്രീം – രണ്ടു വലിയ സ്പൂൺ
5. ജാതിക്ക ചുരണ്ടിയത് – ഒരു നുള്ള്
ഉപ്പ്, കുരുമുളകുപൊടി – പാകത്തിന്
6. ചീസ് ഗ്രേറ്റ് ചെയ്തത് – അരക്കപ്പ്
7. ഫ്യൂസില്ലി പാസ്ത വേവിച്ചത് – രണ്ടു കപ്പ്
8. പാഴ്സ്‍‍ലി അരിഞ്ഞത്, ഒലിവ് – അലങ്കരിക്കാൻ
പാകം ചെയ്യുന്ന വിധം
∙ ഒരു പാൻ ഇടത്തരം ചൂടിൽ വച്ചു വെണ്ണ ഉരുക്കി, അതിലേക്കു മൈദ ചേർത്തു തുടരെയിളക്കണം.
∙ ഇതിലേക്കു പാല്‍ അല്പാല്പമായി ചേർത്തു കട്ടകെട്ടാതെ ഇളക്കി യോജിപ്പിച്ചശേഷം ക്രീമും േചർത്തിളക്കുക.
∙ ഇതിലേക്ക് അഞ്ചാമത്തെ ചേരുവ ചേർത്തിളക്കി അഞ്ചു മിനിറ്റ് ചെറുതീയില‍്‍ വയ്ക്കുക.
∙ പിന്നീട് അടുപ്പിൽ നിന്നു വാങ്ങിയശേഷം ചീസ് ചേർത്തിളക്കുക. ചീസ് മുഴുവൻ അലിഞ്ഞു ചേരുംവരെ ഇളക്കണം.
∙ ഇതിലേക്കു പാസ്ത വേവിച്ചതു ചേർത്തിളക്കുക.
∙ പാഴ്സ്‍‌ലിയും ഒലിവും കൊണ്ട് അലങ്കരിച്ചു വിളമ്പാം.
