പത്രാണി മച്ഛലി
1.മീൻ കഷണങ്ങളാക്കിയത് – 50 ഗ്രാം വീതം രണ്ടെണ്ണം
2.മല്ലിയില – 15 ഗ്രാം
3.പുതിനയില – 10 ഗ്രാം
4.തേങ്ങചിരകിയത് – 50 ഗ്രാം
5.ജീരകം – 5 ഗ്രാം
6.പച്ചമുളക് – അഞ്ച്
7.ഇഞ്ചി – 5 ഗ്രാം
8.വെളുത്തുള്ളി – 5 ഗ്രാം
9.മഞ്ഞൾപ്പൊടി – ഒരു ചെറിയ സ്പൂൺ
10.ഉപ്പ് – പാകത്തിന്
11.നാരങ്ങ – രണ്ട്
12.വാഴയില
പാകം ചെയ്യുന്ന വിധം
∙രണ്ടു മുതൽ എട്ടു വരെയുള്ള ചേരുവകൾ മിക്സിയിൽ അരച്ചെടുക്കുക.
∙മീൻ വൃത്തിയായി കഴുകിയതിനു ശേഷം മഞ്ഞൾപ്പൊടി, ഉപ്പ് ഇവ പുരട്ടി വയ്ക്കണം.
∙അരമണിക്കൂറിനു ശേഷം അരച്ചെടുത്ത ചേരുവകൾ ആവശ്യത്തിന് ഉപ്പും നാരങ്ങാനീരും ചേർത്തശേഷം മീനിൽ പുരട്ടി വാഴയിലയിൽ പൊതിഞ്ഞ് ആവിയിൽ വേവിച്ചെടുക്കുക. ചൂടോടെ ഉപയോഗിക്കാം.