പ്രോൺസ് 65
1.ചെമ്മീൻ, തൊണ്ടും നാരും കളഞ്ഞു വൃത്തിയാക്കിയത് – 250 ഗ്രാം
2.മഞ്ഞൾപ്പൊടി – അര ചെറിയ സ്പൂൺ
കാശ്മീരി മുളകുപൊടി – രണ്ടു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
ജീരകംപൊടി – ഒരു ചെറിയ സ്പൂൺ
ഗരംമസാല – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
നാരങ്ങനീര് – ഒരു വലിയ സ്പൂൺ
ഉപ്പ് – പാകത്തിന്
കറിവേപ്പില – ഒരു തണ്ട്, പൊടിയായി അരിഞ്ഞത്
മല്ലിയില, പൊടിയായി അരിഞ്ഞത് – രണ്ടു വലിയ സ്പൂൺ
പച്ചമുളക് – 1, പൊടിയായി അരിഞ്ഞത്
3.കോൺഫ്ളോർ – കാൽ കപ്പ്
4.എണ്ണ – വറുക്കാൻ ആവശ്യത്തിന്
5.പച്ചമുളക് – 2, നീളത്തിൽ അരിഞ്ഞത്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ചെമ്മീനിൽ രണ്ടാമത്തെ ചേരുവ ചേർത്ത് അര മണിക്കൂർ മാറ്റി വയ്ക്കുക.
∙ഇതിലേക്ക് കോൺഫ്ളോർ ചേർത്തു നന്നായി യോജിപ്പിക്കണം.
∙പാനിൽ എണ്ണ ചൂടാക്കി ചെമ്മീൻ വറുത്തു കോരുക. ഒരുപാട് സമയം വറുക്കരുത്.
∙അഞ്ചാമത്തെ ചേരുവ വറുത്തതും സവാളയും കൊണ്ട് അലങ്കരിച്ചു വിളമ്പാം.