Tuesday 02 June 2020 03:59 PM IST : By സ്വന്തം ലേഖകൻ

നാവിനു പുതുരുചിയായി ഹണി ഗ്ലേസ്‍ഡ് പ്രോൺസും സോസി ഡ്രംസ്‍റ്റിക്കും; റെസിപ്പികള്‍ ഇതാ!

prawn

ഹണി ഗ്ലേസ്‍ഡ് പ്രോൺസ്

1.ചെമ്മീൻ വൃത്തിയാക്കിയത് – 250 ഗ്രാം

2.നാരങ്ങാനീര് – ഒരു ചെറിയ സ്പൂൺ

കോൺഫ്‌ളോർ – ഒരു വലിയ സ്പൂൺ

ഇഞ്ചി–വെളുത്തുള്ളി പേസ്‌റ്റ് – അര ചെറിയ സ്പൂൺ

മുട്ടവെള്ള – ഒരു മുട്ടയുടേത്
ഉപ്പ് – പാകത്തിന്

3.എണ്ണ – പാകത്തിന്

4.സവാള – രണ്ട്, പൊടിയായി അരിഞ്ഞത്

ഇഞ്ചി–വെളുത്തുള്ളി പേസ്‌റ്റ് – അര ചെറിയ സ്പൂൺ

5.കാശ്മീരി മുളകുപൊടി – ഒന്നര ചെറിയ സ്പൂൺ

വിനാഗിരി – രണ്ടു ചെറിയ സ്പൂൺ

6.ടുമാറ്റോ സോസ് – രണ്ടു വലിയ സ്പൂൺ

തേൻ – രണ്ടു വലിയ സ്പൂൺ

സോയാസോസ് – ഒരു ചെറിയ സ്പൂൺ

7.ഉപ്പ് – പാകത്തിന്

8.സെലറിയും സ്പ്രിങ് അണിയനും അരിഞ്ഞത് – അലങ്കരിക്കാൻ ആവശ്യത്തിന്

പാകം ചെയ്യുന്ന വിധം

  • ചെമ്മീൻ വൃത്തിയാക്കിയതിൽ രണ്ടാമത്തെ ചേരുവ പുരട്ടി 15 മിനിറ്റ് വയ്ക്കുക.

  • എണ്ണ നന്നായി ചൂടാക്കി ചെമ്മീൻ ചേർത്ത് ഒരു മിനിറ്റ് വഴറ്റി മാറ്റി വയ്ക്കണം.

  • ബാക്കിയുള്ള എണ്ണയിൽ സവാളയും ഇഞ്ചി–വെളുത്തുള്ളി പേസ്‌റ്റും ചേർത്തു വഴറ്റുക.

  • ഇതിലേക്കു മുളകുപൊടി വിനാഗിരിയിൽ ചാലിച്ചതും ചേർത്തിളക്കി വഴറ്റണം.

  • ഇതിൽ ആറാമത്തെ ചേരുവ ചേർത്തു വഴറ്റിയശേഷം പാകത്തിന് ഉപ്പും ചേർത്തിളക്കുക. അധികം വരണ്ടുപോയാൽ പുരണ്ടിരിക്കാൻ പാകത്തിന് അല്പം വെള്ളം ചേർക്കാം.

  • ഇതിലേക്കു ചെമ്മീനും ചേർത്തിളക്കി ഗ്രേവി നന്നായി പുരണ്ടിരിക്കുന്ന പരുവത്തിൽ വാങ്ങുക.

  • അരിഞ്ഞുവച്ചിരിക്കുന്ന സെലറിയും സ്പ്രിങ് അണിയനും കൊണ്ട് അലങ്കരിച്ചു വിളമ്പാം.

shrimp edited

സോസി ഡ്രംസ്‍റ്റിക്

1.ചിക്കൻ ഡ്രംസ്‍റ്റിക് (കാലിൻറെ ഭാഗം) – ഒരു കിലോ

2.വെളുത്തുള്ളി ചതച്ചത് – രണ്ടു വലിയ സ്പൂൺ

മുളകുപൊടി – രണ്ടു ചെറിയ സ്പൂൺ

സോയാസോസ് – രണ്ടര വലിയ സ്പൂൺ

ഉപ്പ് – പാകത്തിന്

3.എണ്ണ – പാകത്തിന്

4.വെളുത്തുള്ളി ചതച്ചത് – മൂന്നു വലിയ സ്പൂൺ

5.സ്പ്രിങ് അണിയൻ അരിഞ്ഞത് – രണ്ടു വലിയ സ്പൂൺ, അലങ്കരിക്കാൻ

പാകം ചെയ്യുന്ന വിധം

  • ചിക്കൻകാലിൽ രണ്ടാമത്തെ ചേരുവ പുരട്ടി ഒരു രാത്രി ഫ്രിഡ്ജിൽ വയ്ക്കുക.

  • എണ്ണ ചൂടാക്കി വെളുത്തുള്ളി ചതച്ചതു വഴറ്റിയശേഷം പുരട്ടിവച്ചിരിക്കുന്ന കോഴിക്കാലും ചേർത്തിളക്കി പാത്രം അടച്ചു വച്ചു വേവിക്കണം. ഗ്രേവി നന്നായി കുറുകി സോസ് പരുവത്തിലാകണം.

  • സ്പ്രിങ് അണിയൻ കൊണ്ട് അലങ്കരിച്ചു വിളമ്പാം.

drumstick edited

കടപ്പാട്

രേഖ ജേക്കബ് പെരിഞ്ചേരി