ചെമ്മീൻ തേങ്ങാപ്പാൽ കറി
1.ചെമ്മീൻ – അരക്കിലോ
2.എണ്ണ – രണ്ടു വലിയ സ്പൂൺ
3.കടുക് – ഒരു ചെറിയ സ്പൂൺ
4.കറിവേപ്പില – ഒരു തണ്ട്
വറ്റൽമുളക് – രണ്ട്
5.സവാള – രണ്ട്, അരച്ചത്
6.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
തക്കാളി – ഒന്ന്, അരിഞ്ഞത്
7.മഞ്ഞൾപ്പൊടി – ഒരു ചെറിയ സ്പൂൺ
ജീരകം പൊടിച്ചത് – അര ചെറിയ സ്പൂൺ
കുരുമുളകുപൊടി – ഒരു െചറിയ സ്പൂൺ
8.തേങ്ങാപ്പാൽ – അരക്കപ്പ്
വെള്ളം – ഒരു കപ്പ്
പച്ചമുളക് – മൂന്ന്, അരിഞ്ഞത്
10.മല്ലിയില അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙ചെമ്മീൻ തൊണ്ടും നാരും കളഞ്ഞു വൃത്തിയാക്കി വയ്ക്കുക.
∙പാനിൽ എണ്ണ ചൂടാക്കി കടുക് പൊട്ടിക്കുക.
∙ഇതിലേക്കു നാലാമത്തെ ചേരുവ വഴറ്റിയ ശേഷം സവാള ചേർത്തു വഴറ്റുക.
∙സവാള നിറം മാറുമ്പോൾ ആറാമത്തെ ചേരുവ വഴറ്റണം.
∙തക്കാളി വെന്തുടയുമ്പോൾ പൊടികൾ ചേർത്തു മൂപ്പിക്കണം.
∙പച്ചമണം മാറുമ്പോൾ എട്ടാമത്തെ ചേരുവ ചേർത്തിളക്കി തിളപ്പിക്കുക.
∙ചെമ്മീനും ചേർത്തു മൂടി വച്ചു 3–4 മിനിറ്റു വേവിക്കണം.
∙മല്ലിയില ചേർത്തിളക്കി വാങ്ങാം.
