ചെമ്മീൻ പുളിങ്കറി
1.ചെമ്മീൻ – അരക്കിലോ
2.മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
പച്ചമുളക് – ഒന്ന്, നീളത്തിൽ അരിഞ്ഞത്
കറിവേപ്പില – ഒരു തണ്ട്
വെള്ളം – കാൽ കപ്പ്
3.ഇലുമ്പിക്ക – അഞ്ച്, നീളത്തിൽ അരിഞ്ഞത്
4.തേങ്ങ – ഒരു കപ്പ്
ചുവന്നുള്ളി – ആറ്
ഇഞ്ചി – ഒരു ചെറിയ കഷണം
കറിവേപ്പില – ഒരു തണ്ട്
മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒരു വലിയ സ്പൂൺ
5.വെളിച്ചെണ്ണ – ഒരു വലിയ സ്പൂൺ
6.കടുക് – കാൽ ചെറിയ സ്പൂൺ
ഉലുവ – കാൽ ചെറിയ സ്പൂൺ
വറ്റൽമുളക് – മൂന്ന്
ചുവന്നുള്ളി – അഞ്ച്, അരിഞ്ഞത്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ചെമ്മീന്‍ തൊണ്ടും നാരും കളഞ്ഞു രണ്ടാമത്തെ ചേരുവ ചേർത്തു മൂന്നു മിനിറ്റു മൂടി വച്ചു വേവിക്കുക.
∙ഇതിലേക്ക് ഇലുമ്പിക്ക ചേർത്തു വീണ്ടും മൂന്നു മിനിറ്റു വേവിക്കണം.
∙നാലാമത്തെ ചേരുവ മയത്തിൽ അരച്ചു കറിയിൽ ചേർത്തു നന്നായി ഇളക്കി യോജിപ്പിക്കുക. തിളയ്ക്കുന്നതിനു തൊട്ടു മുൻപ് വാങ്ങാം.
∙വെളിച്ചെണ്ണ ചൂടാക്കി ആറാമത്തെ ചേരുവ താളിച്ചു കറിയിൽ ചേർത്തു വിളമ്പാം.
