സ്‌റ്റഫ്ഡ് ഇടിയപ്പം
1.എണ്ണ – രണ്ടു ചെറിയ സ്പൂൺ
2.സവാള പൊടിയായി അരിഞ്ഞത് – രണ്ടു വലിയ സ്പൂൺ
ഇഞ്ചി പൊടിയായി അരിഞ്ഞത് – ഒരു വലിയ സ്പൂൺ
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളകു പൊടിയായി അരിഞ്ഞത് – ഒരു ചെറിയ സ്പൂൺ
കറിവേപ്പില – കുറച്ച്
3.മുളകുപൊടി – അര ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
മഞ്ഞള്‍പ്പൊടി – കാൽ ചെറിയ സ്പൂൺ
ഗരംമസാലപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
4.തേങ്ങ ചുരണ്ടിയത് – ഒരു വലിയ സ്പൂൺ
5.കാരറ്റ് അരിഞ്ഞു വേവിച്ചത് – രണ്ടു വലിയ സ്പൂൺ
കോളിഫ്‌ളവർ പൊടിയായി അരിഞ്ഞത് – രണ്ടു വലിയ സ്പൂൺ
6.അരിപ്പൊടി – ഒരു കപ്പ്
പാകം ചെയ്യുന്ന വിധം
∙എണ്ണ ചൂടാക്കി രണ്ടാമത്തെ ചേരുവ വഴറ്റുക.
∙സവാള വഴന്നശേഷം മൂന്നാമത്തെ ചേരുവ ചേർത്തു മസാലമണം വരുമ്പോൾ തേങ്ങ ചുരണ്ടിയതും തയാറാക്കിയ പച്ചക്കറികളും ചേർത്തു വാങ്ങുക.
∙അരിപ്പൊടി ചൂടുവെള്ളവും ഉപ്പും ചേർത്ത് ഇടിയപ്പം പരുവത്തിൽ കുഴച്ച് ഇടിയപ്പത്തിന്റെ തട്ടിൽ ഒരു നിര പിഴിയുക. ഇതിനു മുകളിൽ തയാറാക്കിയ മിശ്രിതം നിരത്തി, ഒരു നിര കൂടി ഇടിയപ്പം പിഴിഞ്ഞ് ആവിയിൽ വേവിച്ചെടുത്തു ചൂടോടെ വിളമ്പുക.
