ടുമാറ്റോ പനീർ കറി
1.എണ്ണ – ഒന്നര വലിയ സ്പൂൺ
2.പനീർ – 250 ഗ്രാം, ക,ണങ്ങളാക്കിയത്
3.ജീരകം – കാൽ ചെറിയ സ്പൂൺ
4.സവാള – രണ്ട് ഇടത്തരം, പൊടിയായി അരിഞ്ഞത്
5.ഇഞ്ചി ചതച്ചത് – ഒരു ചെറിയ സ്പൂൺ
വെളുത്തുള്ളി ചതച്ചത് – ഒരു ചെറിയ സ്പൂൺ
6.തക്കാളി – ഒരു വലുത്, അരച്ചത്
7.മഞ്ഞൾപ്പൊടി – കാൽ ചെറി സ്പൂൺ
8.കുരുമുളകുപൊടി – ഒരു ചെറിയ സ്പൂൺ
പഞ്ചസാര – അര വലിയ സ്പൂൺ
ഉപ്പ് – പാകത്തിന്
ടുമാറ്റോ സോസ് – അഞ്ചു വലിയ സ്പൂൺ
9.ചൂടുവെള്ളം – ഒരു കപ്പ്
10.മല്ലിയില അരിഞ്ഞത് – കാല്‍ കപ്പ്
പാകം ചെയ്യുന്ന വിധം
∙പാനിൽ അൽപം എണ്ണ പുരട്ടിയ ശേഷം പനീർ ചുട്ടെടുത്തു വയ്ക്കണം.
∙പാനിൽ ഒന്നര വലിയ സ്പൂൺ എണ്ണ ചൂടാക്കി ജീരകം പൊട്ടിച്ച ശേഷം സവാള ചേർത്തു വഴറ്റുക.
∙ഇളം ബ്രൗൺ നിറമാകുമ്പോൾ ഇഞ്ചിയും വെളുത്തുള്ളിയും ചതച്ചതും ചേർത്തു പച്ചമണം മാറുന്നതു വരെ വഴറ്റുക.
∙ഇതിലേക്കു തക്കാളി അരച്ചതു ചേർത്തു വഴറ്റി എണ്ണ തെളിയുമ്പോൾ മഞ്ഞൾപ്പൊടി ചേർത്തു വഴറ്റണം.
∙ഇതിലേക്ക് എട്ടാമത്തെ ചേരുവ ചേർത്തു വഴറ്റിയ ശേഷം ചൂടുവെള്ളം ചേർത്തു തിളപ്പിക്കണം.
∙തിളയ്ക്കുമ്പോൾ പനീർ ചേർത്ത് ചെറുതീയിൽ 10 മിനിറ്റ് തിളപ്പിക്കുക. ചാറു കുറുകിത്തുടങ്ങുമ്പോൾ മല്ലിയില അരിഞ്ഞതു ചേർത്തു വാങ്ങാം.
