മെലൺ ബോൾസ് വിത് തായ് ഡ്രസ്സിങ്
1. തായ് റെഡ് കറി പേസ്റ്റ് – അര ചെറിയ സ്പൂൺ
നാരങ്ങാനീര് – രണ്ടു വലിയ സ്പൂൺ
പഞ്ചസാര – രണ്ടു ചെറിയ സ്പൂൺ
ഒലിവ് ഓയില് – കാൽ കപ്പ്
2. തണ്ണിമത്തങ്ങ,
ചെറിയ ബോളുകളായി സ്കൂപ്പ് ചെയ്തത് – രണ്ടു കപ്പ്
മസ്ക് മെലൺ,
ചെറിയ ബോളുകളായി സ്കൂപ്പ് ചെയ്തത് – രണ്ടു കപ്പ്
3. നിലക്കടല വറുത്തത് – കാൽ കപ്പ്
പുതിനയില – അലങ്കരിക്കാൻ
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു ഡ്രസ്സിങ് തയാറാക്കുക.
∙ രണ്ടാമത്തെ ചേരുവ വിളമ്പാനുള്ള പാത്രത്തിലാക്കി തയാറാക്കിയ ഡ്രസ്സിങ് മുകളിലൊഴിക്കുക.
∙ മെല്ലേ കുടഞ്ഞു യോജിപ്പിച്ചശേഷം പുതിനയിലയും നിലക്കടല വറുത്തതും കൊണ്ട് അലങ്കരിച്ചു വിളമ്പാം.
പാസ്ത സാലഡ് വിത്ത് മെലൺ & ഫെറ്റാ ചീസ്
1. മാക്കറോണി – രണ്ടു കപ്പ്, വേവിച്ചൂറ്റിയത്
മസ്ക് മെലൺ, ചതുരക്കഷണങ്ങളാക്കിയത് – ഒരു കപ്പ്
ഇംഗ്ലീഷ് കുക്കുമ്പർ, തൊലിയോടുകൂടെ ചതുരക്കഷണങ്ങളാക്കിയത് – ഒരു കപ്പ്
ചുവന്ന കാപ്സിക്കം, ചതുരക്കഷണങ്ങളാക്കിയത് – അരക്കപ്പ്
ഫെറ്റാ ചീസ് – ഒരു കപ്പ്, പൊടിച്ചത്
ഗാർലിക് േസാൾട്ട് – അര ചെറിയ സ്പൂൺ
ഒറീഗാനോ – കാൽ ചെറിയ സ്പൂൺ
വറ്റൽമുളകു ചതച്ചത് – കാൽ ചെറിയ സ്പൂൺ
2. ഒലിവ് ഓയിൽ – കാൽ കപ്പ്
പാകം ചെയ്യുന്ന വിധം
∙ ഒരു വലിയ ബൗളിൽ ഒന്നാമത്തെ ചേരുവ യോജിപ്പിക്കുക.
∙ ഇതിലേക്ക് ഒലിവ് ഓയിൽ ഒഴിച്ചു െമല്ലേ കുടഞ്ഞു യോജിപ്പിച്ചു തണുപ്പിച്ചു വിളമ്പാം.