കാട മസാല
1.കാട – നാല്
2.വെളിച്ചെണ്ണ – മൂന്നു വലിയ സ്പൂൺ
3.ചുവന്നുള്ളി, അരിഞ്ഞത് – കാൽ കപ്പ്
സവാള – ഒന്ന്, പൊടിയായി അരിഞ്ഞത്
കറിവേപ്പില – രണ്ടു തണ്ട്
4.തക്കാളി – ഒന്ന്, അരച്ചത്
5.മഞ്ഞൾപ്പൊടി – അര ചെറിയ സ്പൂൺ
6.വെളുത്തുള്ളി – കാൽ കപ്പ്
ഇഞ്ചി – ഒരിഞ്ചു കഷണം
മല്ലി – ഒന്നര വലിയ സ്പൂൺ
വറ്റൽമുളക് – നാല്
കുരുമുളക് – ഒന്നര വലിയ സ്പൂൺ
ജീരകം – ഒരു ചെറിയ സ്പൂൺ
പെരുംജീരകം – ഒരു ചെറിയ സ്പൂൺ
കറുവാപ്പട്ട – ഒരു കഷണം
ഗ്രാമ്പൂ – രണ്ട്
ഏലയ്ക്ക – രണ്ട്
7.ഉപ്പ് – പാകത്തിന്
വെള്ളം – പാകത്തിന്
8.പച്ചമുളക് – രണ്ട്
മല്ലിയില, അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙കാട നന്നായി കഴുകി കഷണങ്ങളാക്കി വയ്ക്കുക.
∙പാനിൽ വെളിച്ചെണ്ണ ചൂടാക്കി മൂന്നാമത്തെ ചേരുവ വഴറ്റുക.
∙സവാള ബ്രൗൺ നിറമാകുമ്പോൾ തക്കാളി ചേർത്തു വഴറ്റണം.
∙ആറാമത്തെ ചേരുവ മിക്സിയിൽ അരച്ചതും ചേർത്തു വഴറ്റി എണ്ണ തെളിയുമ്പോൾ കാട ചേർക്കുക.
∙പാകത്തിനുപ്പും വെള്ളവും ചേർത്തിളക്കി മൂടി വച്ചു വേവിക്കുക.
∙വെന്തു പാകമാകുമ്പോൾ എട്ടാമത്തെ ചേരുവയും ചേർത്തിളക്കി വരട്ടിയെടുക്കാം.
