ചിക്കൻ ചങ്കീസ്
1.ചിക്കൻ – 750 ഗ്രാം
2.കുരുമുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
3.എണ്ണ – നാലു വലിയ സ്പൂൺ
4.സവാള – മൂന്ന്, പൊടിയായി അരിഞ്ഞത്
5.ഇഞ്ചി–വെളുത്തുള്ളി പേസ്‌റ്റ് – ഒന്നര വലിയ സ്പൂൺ
6.കശ്മീരി മുളകുപൊടി – രണ്ടു ചെറിയ സ്പൂൺ
മല്ലിപ്പൊടി – രണ്ടു ചെറിയ സ്പൂൺ
ജീരകംപൊടി – കാൽ ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
7.തക്കാളി – ഒന്ന്, അരച്ചത്
8.കശുവണ്ടിപ്പരിപ്പ് – 20, കുതിർത്ത് അരച്ചത്
കട്ടത്തൈര് – നാലു വലിയ സ്പൂൺ
പച്ചമുളക് – മൂന്ന്
ഉപ്പ് – പാകത്തിന്
9.കസൂരി മേത്തി – ഒരു ചെറിയ സ്പൂൺ
മല്ലിയില – കാൽ കപ്പ്
ഗരംമസാലപ്പൊടി – ഒരു നുള്ള്
പാകം ചെയ്യുന്ന വിധം
∙ചിക്കൻ വൃത്തിയാക്കി കഷണങ്ങളാക്കി രണ്ടാമത്തെ ചേരുവ പുരട്ടി അരമണിക്കൂർ വയ്ക്കണം.
∙പാനിൽ എണ്ണ ചൂടാക്കി ചിക്കൻ കഷണങ്ങൾ വറഉത്തു മാറ്റി വയ്ക്കുക.
∙ഇതേ എണ്ണയിൽ സവാള വഴറ്റി ഗോൾഡൻ ബ്രൗൺ നിറമാകുമ്പോൾ ഇഞ്ചി–വെളുത്തുള്ളി പേസ്‌റ്റ് ചേർത്തു വഴറ്റണം.
∙പച്ചമണം മാറുമ്പോൾ ആറാമത്തെ ചേരുവ ചേർത്തു വഴറ്റണം.
∙തക്കാളി അരച്ചതും ചേർത്തിളക്കി എണ്ണ തെളിയുമ്പോൾ ചിക്കൻ കഷണങ്ങൾ ചേർത്തിളക്കണം.
∙എട്ടാമത്തെ ചേരുവയും ചേർത്തിളക്കി വേവിക്കുക.
∙ഒന്‍പതാമത്തെ ചേരുവയും ചേർത്തുളക്കി വാങ്ങാം.
