മത്തി വറുത്തത് ഈ മസാലയിൽ തയാറാക്കി നോക്കൂ, അപാര രുചിയാണ്!

സ്പെഷൽ മത്തി വറുത്തത്

1.മത്തി – അരക്കിലോ

2.ചുവന്നുള്ളി – എട്ട്

ഇഞ്ചി – ഒരു ചെറിയ കഷണം

വെളുത്തുള്ളി – നാല് അല്ലി

മല്ലി – ഒരു ചെറിയ സ്പൂൺ

പെരുംജീരകം – ഒരു ചെറിയ സ്പൂൺ

ജീരകം – ഒരു ചെറിയ സ്പൂൺ

കുരുമുളക് – ഒരു ചെറിയ സ്പൂൺ

വറ്റൽമുളക് – രണ്ട്

മഞ്ഞൾപ്പൊടി – കാൽ ചെറിയ സ്പൂൺ

കശ്മീരി മുളകുപൊടി – രണ്ടു ചെറിയ സ്പൂൺ

ഉപ്പ് – പാകത്തിന്

വാളൻപുളി കുതിർത്തത് – മൂന്നു വലിയ സ്പൂൺ

3.വെളിച്ചെണ്ണ – മൂന്നു വലിയ സ്പൂൺ

4.കറിവേപ്പി – ഒരു തണ്ട്

പാകം ചെയ്യുന്ന വിധം

‌∙മത്തി കഴുകി വൃത്തിയാക്കി വയ്ക്കുക.

∙മിക്സിയിൽ രണ്ടാമത്തെ ചേരുവ മയത്തിൽ അരച്ചു മീനിൽ പുരട്ടി ഒരു മണിക്കൂർ വയ്ക്കണം.

∙പാനിൽ വെളിച്ചെണ്ണ ചൂടാക്കി കറിവേപ്പില വറുക്കണം.

∙മീൻ കഷണങ്ങളും ചേർത്തു വറുത്തു കോരി ചൂടോടെ വിളമ്പാം.