ഇതാണ് ഫസ്റ്റ് ക്ലാസ് റെയിൽവേ മട്ടൺ കറി; വീണ്ടും വീണ്ടും ചോദിച്ചു വാങ്ങി കഴിക്കും..! Delicious First Class Railway Mutton Curry Recipe

ഫസ്റ്റ് ക്ലാസ് റെയിൽവേ മട്ടൺ കറി

1. മട്ടണ്‍ – ഒരു കിലോ
2. വെളിച്ചെണ്ണ – ഒരു വലിയ സ്പൂൺ
3. ഇഞ്ചി – 20 ഗ്രാം, അരിഞ്ഞത്
പച്ചമുളക് – 20 ഗ്രാം, അരിഞ്ഞത്
വെളുത്തുള്ളി – 15 ഗ്രാം, അരിഞ്ഞത്
കറിവേപ്പില – അഞ്ചു ഗ്രാം
സവാള – 300 ഗ്രാം, അരിഞ്ഞത്
4. മുളകുപൊടി – ഒരു വലിയ സ്പൂൺ
മല്ലിപ്പൊടി – നാലു ചെറിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
5. ഉപ്പ് – പാകത്തിന്
വെള്ളം – പാകത്തിന്
6. നെയ്യ് – ഒരു ചെറിയ സ്പൂൺ
7. ചുവന്നുള്ളി – 100 ഗ്രാം, അരിഞ്ഞത്

പാകം ചെയ്യുന്ന വിധം

∙ മട്ടൺ കഷണങ്ങള്‍ കഴുകി വൃത്തിയാക്കി വയ്ക്കുക.

∙ ഉരുളിയിൽ വെളിച്ചെണ്ണ ചൂടാക്കി മൂന്നാമത്തെ ചേരുവ വഴറ്റുക.

∙ മറ്റൊരു പാനിൽ നാലാമത്തെ ചേരുവ മൂപ്പിച്ച ശേഷം സവാള വഴറ്റിയതിൽ ചേർത്തു മട്ടണും പാകത്തിന് ഉപ്പും വെള്ളവും ചേർത്ത് അടച്ചു വച്ചു വേവിക്കണം.

∙ വെന്ത ശേഷം നെയ്യിൽ ചുവന്നുള്ളി മൂപ്പിച്ചതു ചേർത്തു വിളമ്പാം.

തയാറാക്കിയത്: മെർലി എം. എൽദോ, പാചകക്കുറിപ്പുകള്‍ക്കു കടപ്പാട്: രമേഷ് രവീന്ദ്രൻ, എക്സിക്യൂട്ടീവ് ഷെഫ്, സൽക്കാര, അത്താണി, നെടുമ്പാശ്ശേരി, കൊച്ചി. ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: അനീഷ് കുമാർ, സൂ ഷെഫ്, സൽക്കാര, നെടുമ്പാശ്ശേരി, കൊച്ചി