ആവി പറക്കുന്ന ക്യാബേജ് ചിക്കൻ ഡംപ്ലിങ്

 റെസ്റ്റോറന്റ് സ്റ്റൈലിൽ ഒരു ക്യാബേജ് ചിക്കൻ ഡംപ്ലിങ്. ഇതിന്റെ കൂടെയുള്ള സ്പൈസി സോസ് കൂടി ആകുമ്പോൾ സംഗതി കേമമാകും. ഉള്ളിൽ ജ്യൂസിയായ ചിക്കനും പുറത്ത് സോഫ്റ്റായ ക്യാബേജ് ലെയറും പെർഫെക്റ്റ് കോമ്പിനേഷനാണ്. 

ആവശ്യമായ ചേരുവകൾ 
ക്യാബേജ് - 2 (ഗ്രീൻ& പർപിൾ)
ചിക്കൻ - 500 ഗ്രാം 
ഉള്ളി - 2 എണ്ണം 
പച്ചമുളക് - 2 എണ്ണം 
കറിവേപ്പില - ആവശ്യത്തിന് 
വെളിച്ചെണ്ണ - 2 ടേബിൾസ്പൂൺ 
ഇഞ്ചി - ആവശ്യത്തിന്  
വെളുത്തുള്ളി - ആവശ്യത്തിന് 
കാരറ്റ് - 2 എണ്ണം 
ക്യാപ്സികം - 1എണ്ണം 
കുരുമുളക്പൊടി -1 ടീസ്പൂൺ 
ഉപ്പ് - ആവശ്യത്തിന് 
സ്പ്രിങ് ഒനിയൻ - 10 ഗ്രാം   
സെസമി സീഡ് - ആവശ്യത്തിന് 
ടൊമാറ്റോ സോസ് - 6 ടീസ്പൂൺ   
സോയ് സോസ് - 4 ടീസ്പൂൺ 
ഷെസ്വാൻ സോസ് - 4 ടീസ്പൂൺ 
റെഡ് ചില്ലി സോസ് -4 ടീസ്പൂൺ

തയ്യാറാക്കുന്ന വിധം 
. ഉപ്പും കുരുമുളക് പൊടിയും ചേർത്ത വേവിച്ചെടുത്ത ചിക്കൻ ചികഞ്ഞു വെക്കുക. 
. സോസ്പാനിൽ വെളിച്ചെണ്ണ ഒഴിച്ച് ചെറുതായി അരിഞ്ഞ ഇഞ്ചിയും വെളുത്തുള്ളിയും കറിവേപ്പിലയും പച്ചമുളകും ഉള്ളിയും ചേർത്തിളക്കുക. 
. അതിലേക്ക് കാരറ്റും ക്യാപ്സിക്കവും ആവശ്യത്തിന് ഉപ്പും കുരുമുളകും കൂടി ചേർക്കുക. വെന്തു വരുമ്പോൾ ചിക്കനും സോയാ സോസും ഷെസ്വാൻ സോസും മല്ലിയിലയും കൂടി ചേർക്കുക. എല്ലാം നന്നായി മിക്സ് ചെയ്ത് ചൂടാറാൻ വെക്കുക. 
. ക്യാബേജിന്റെ ഇലകൾ ചൂടുവെള്ളത്തിൽ മുക്കി 5 മിനിറ്റ് വേവിക്കുക. 
. ചൂടാറിയ ശേഷം ക്യാബേജിനുള്ളിൽ ഫില്ലിംഗ് നിറച്ച് പൊതിഞ്ഞെടുക്കാം. 
. ആവശ്യമെങ്കിൽ അല്പം എണ്ണയിൽ വറുത്തുകോരാം.
. സോസിനായി  റെഡ് ചില്ലി സോസ് ,സെസമി സീഡ്, ടൊമാറ്റോ സോസ്, സ്പ്രിങ് ഒനിയൻ, സോയ് സോസ്. ഷെസ്വാൻ സോസ് എന്നിവ കുറച്ചു  വെള്ളം ചേർത്തു മിക്സ് ചെയ്തെടുത്താൽ മതി.