എരിവും പുളിയും ഒത്തിണങ്ങിയ നല്ല നാടൻ മീൻ കറി. കുടംപുളിയുടെ സ്വാദ് ഇതിന് പ്രത്യേക രുചി നൽകുന്നു.
ആവശ്യമായ ചേരുവകൾ
1. മീന് – അരക്കിലോ
2. ഉപ്പ് – രണ്ടു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
3. വെളിച്ചെണ്ണ – മൂന്നു ചെറിയ സ്പൂൺ
4. കടുക് – കാൽ ചെറിയ സ്പൂൺ
ഉലുവ – അര ചെറിയ സ്പൂൺ
5. ചുവന്നുള്ളി – എട്ടു ഗ്രാം, അരിഞ്ഞത്
വെളുത്തുള്ളി അരിഞ്ഞത് – അഞ്ചു ഗ്രാം
ഇഞ്ചി അരിഞ്ഞത് – ഒരു ഗ്രാം
പച്ചമുളക് – ഒന്ന്,അരിഞ്ഞത്
കറിവേപ്പില – ഒരു തണ്ട്
6. കശ്മീരിമുളകുപൊടി – രണ്ടു ചെറിയ സ്പൂൺ
മല്ലിപ്പൊടി – രണ്ടു ചെറിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
7. കുടംപുളി – നാലു ചുള, കുതിർത്തത്
വെള്ളം – 100 മില്ലി
8. വെളിച്ചെണ്ണ – ഒരു വലിയ സ്പൂൺ
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ മീൻ വൃത്തിയാക്കി രണ്ടാമത്തെ ചേരുവ പുരട്ടി 10 മിനിറ്റ് വയ്ക്കണം
∙ ചട്ടിയിൽ വെളിച്ചെണ്ണ ചൂടാക്കി കടുകും ഉലുവയും മൂപ്പിച്ച ശേഷം അഞ്ചാമത്തെ ചേരുവ ചേർത്തു വഴറ്റുക
∙ ഇതിലേക്ക് ആറാമത്തെ ചേരുവ ചേർത്തിളക്കി എണ്ണ തെളിയുമ്പോൾ കുടംപുളി കുതിർത്തതും വെള്ളവും ചേർത്തിളക്കണം.
∙ തിള വരുമ്പോൾ മീൻ കഷണങ്ങൾ ചേർത്തു പാൻ ചുറ്റിക്കണം.
∙ ഇടത്തരം തീയിൽ വച്ചു വേവിക്കുക.
∙ മീൻ വെന്ത ശേഷം പച്ച വെളിച്ചെണ്ണ ഒഴിച്ചു കറിവേപ്പില വിതറി വാങ്ങാം.