മുഗൾ രാജാക്കന്മാരുടെ കൊട്ടാരങ്ങളിൽ നിന്ന് ഉത്ഭവിച്ച മുഗളായ് ബിരിയാണി ഒരു രാജകീയ വിരുന്നാണ്. ലളിതമായ രീതിയിൽ ഇത് വീട്ടിൽ തയ്യാറാക്കാൻ സാധിക്കും.
ആവശ്യമായ ചേരുവകൾ
1. ചിക്കൻ – 200 ഗ്രാം
2. തൈര് – ഒരു വലിയ സ്പൂൺ
ഇഞ്ചി – വെളുത്തുള്ളി പേസ്റ്റ് – ഒരു ചെറിയ സ്പൂണ്
സവാള വറുത്തത് – ഒരു ചെറിയ സ്പൂൺ
നെയ്യ് – ഒരു ചെറിയ സ്പൂൺ
ക്രീം – ഒരു ചെറിയ സ്പൂൺ
ഏലയ്ക്കാപ്പൊടി – ഒരു നുള്ള്
പുതിനയില – ഒരു ചെറിയ സ്പൂൺ
മല്ലിയില – ഒരു ചെറിയ സ്പൂൺ
3. വെള്ളം – പാകത്തിന്
4. ഏലയ്ക്ക, ഗ്രാമ്പൂ, കറുവാപ്പട്ട – മൂന്നു വീതം
ഉപ്പ് – പാകത്തിന്
കേവ്ര വാട്ടർ – അര ചെറിയ സ്പൂൺ
5. ബസ്മതി അരി – 130 ഗ്രാം
6. എണ്ണ – ഒരു വലിയ സ്പൂൺ
7. നെയ്യ് – ഒരു ചെറിയ സ്പൂൺ
കശുവണ്ടിപ്പരിപ്പ് വറുത്തത് – ഒരു ചെറിയ സ്പൂൺ
ഉണക്കമുന്തിരി വറുത്തത് – ഒരു ചെറിയ സ്പൂൺ
സവാള വറുത്തത് – ഒരു വലിയ സ്പൂൺ
മല്ലിയില അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙ ചിക്കൻ, ബിരിയാണിക്കു പാകത്തിനു വലുപ്പത്തിലുള്ള കഷണങ്ങളാക്കി രണ്ടാമത്തെ
ചേരുവ പുരട്ടി 40 മിനിറ്റ് വയ്ക്കണം.
∙ വലിയ പാത്രത്തിൽ വെള്ളവും നാലാമത്തെ ചേരുവയും ചേർത്തു തിളപ്പിച്ച് അരി മുക്കാല് വേവിൽ വേവിച്ചൂറ്റി വയ്ക്കണം.
∙ ചെറിയ പാനിൽ എണ്ണ ചൂടാക്കി പുരട്ടി വച്ചിരിക്കുന്ന ചിക്കൻ ചേർത്തു ചെറുതീയിൽ 20 മിനിറ്റ് വേവിക്കണം.
∙ ഇതിനു മുകളിൽ വേവിച്ചൂറ്റിയ ചോറു നിരത്തിയ ശേഷം ഏഴാമത്തെ ചേരുവ മുകളിൽ വിതറി അടച്ചു വച്ച് 15 മിനിറ്റ് ദം ചെയ്യുക.
∙ റൈത്തയ്ക്കും പപ്പടത്തിനുമൊപ്പം വിളമ്പാം.